影片
更多
2013-05-19
11 浏览
近呢幾個月openrice既上榜餐廳都不斷出現「川善茶居」呢四個字，已經將openrice 當左做主頁既我又點會可以抵擋到佢既吸引呢？如是者就book左位上去朝聖。點知，原來呢個世界有圖都未必有真相。當日就book左四點，上到去一睇，哇，已經揀平日去，都係剩返一張大枱比我地，真係幾多人去朝聖喎。睇相就睇得多，個度D擺設帶有濃濃既中國風，入到去一睇，將每一件擺設分開黎睇的確唔錯，可惜既係夾埋一齊就有D奇怪，再加上地下係石屎地，完全襯唔出古色古香既感覺！我地就被安排左坐係張大枱度，不過，另外又有一個大問題。呢度既枱分兩種高度，一種係平時餐枱既高度，另一種係茶几既高度。而我正正就係坐係茶几高度既枱，結果就係每一下都要彎腰食野，有點辛苦。當我地以為好慘個陣，係另一個角落既人仲慘，又係坐係呢D枱，仲要正方形咁圍住，完全係大人坐小學生椅小學生枱，之後仲要空間完全不足食到起哂肘既感覺。之後我地就叫左一個 茶之千層治 一杯Matcha Snow White，梗係唔少得抹茶心太軟啦！不過話要等半個鐘，計返落條數岩岩好，食完個治就有甜品食！就係落完單個下，就有個後生女職員打爛左野，令到我今日既川善之旅帶黎
當日就book左四點，上到去一睇，哇，已經揀平日去，都係剩返一張大枱比我地，真係幾多人去朝聖喎。睇相就睇得多，個度D擺設帶有濃濃既中國風，入到去一睇，將每一件擺設分開黎睇的確唔錯，可惜既係夾埋一齊就有D奇怪，再加上地下係石屎地，完全襯唔出古色古香既感覺！
我地就被安排左坐係張大枱度，不過，另外又有一個大問題。呢度既枱分兩種高度，一種係平時餐枱既高度，另一種係茶几既高度。而我正正就係坐係茶几高度既枱，結果就係每一下都要彎腰食野，有點辛苦。當我地以為好慘個陣，係另一個角落既人仲慘，又係坐係呢D枱，仲要正方形咁圍住，完全係大人坐小學生椅小學生枱，之後仲要空間完全不足食到起哂肘既感覺。
之後我地就叫左一個 茶之千層治 一杯Matcha Snow White，梗係唔少得抹茶心太軟啦！不過話要等半個鐘，計返落條數岩岩好，食完個治就有甜品食！就係落完單個下，就有個後生女職員打爛左野，令到我今日既川善之旅帶黎絲絲既不安……
等左大約十分鐘，杯Matcha Snow White終於整好。我細心既女友就即刻發現，點解實物同係openrice睇到既相有D出入咁既？！ 浮係matcha上面層泡薄左幾倍既，舊雪糕又無蒲頭！呢個賣相令到我地既心已經沉一沉。飲落去都還可以，飲飲下飲到香蕉粒都幾趣緻，係略嫌綠茶味唔夠。
再等多一陣，個千層治都到左，見到呢個又同網上既100% match，又有返興緻要大啖大啖食。正當我地幫佢影緊遺照個陣，個心太軟就無啦啦上左！我地都嚇親，因為無expect 過會呢個時候黎，唯有放棄個三文治先。惡夢開始了：首先，個女店員比左兩個 湯匙 我地，無錯，係飲餐湯個D大匙。都算，我地想快D食，唔換細匙啦。我地一切開個心太軟，發現，喂，無野流出黎既！再切深D，都唔覺有好多green tea漿係裏面囉！對比返D相，心太軟又唔流心，green tea 漿又欠奉，size形狀都有D唔同，真係懷疑今日果個係新手整架囉。仲有，個雪糕雖然好味，但係用另一個兜裝住，明明係兩樣野加埋一齊食，而家一樣還一樣，咁不如分開碟另上啦。唔單止我地有問題，坐係同一張枱既顧客就面對住另一個問題。成個心太軟未開就爆漿，個店員就問要唔要重新做過。大佬，咁既心太軟緊係要再整過啦，加上佢又係拎大匙比個客，真係好懷疑佢地幾個新店員係無經過適當既訓練就開工。話說回頭，千層治同心太軟個味道都幾好，值唔值呢個價就見仁見智了。
今次既朝聖真係令我地好失望，由山頂一野踢左我地落谷底。激發起我要打返篇食評，講出自己既真實經驗。呢一刻，我對網上既相都會保留三分，避免再發生呢D事情，都希望川善只係今日偶有失誤。不過，都唔會知道川善會唔會有實則既改善了，因為唔會有下一次。
张贴
