影片
更多
2018-01-04
94 浏览
冬天最好嘅活動就係打邊爐，日式、中式邊爐就打得多，泰式嘅打邊爐真係第一次聽。覺得好OK ,所以就決定同朋友一齊嚟試吓！Menu上面嘅食物真係好泰式，同平時見開嘅好唔一樣， 睇見都想試！因為我同朋友都好為食，所以放題認識嘅邊爐就最適合我哋，唔使就住就住，想食乜就嗌乜，$198一位算係幾平。由於我同朋友都想試多個湯底，所以加左＄20轉鴛鴦湯底。我哋揀咗招牌泰陰功同埋香噴噴椰雞湯。冬陰公嘅味道無我想像中辣，相比起來酸味比較重，咁樣會更加適合香港人口味，無咁食得辣嘅朋友都可以試試呢種泰式風味。而且都唔需要擔心辣味太濃cover晒其他食物嘅味道。至於椰雞湯就係清新嘅選擇，除咗雞嘅鮮甜味之外仲加左重重嘅椰汁，好清香。打邊爐必備牛丸、芝心丸。飛魚子蝦滑同埋黑松露墨魚滑幾特別，淥嗰陣記得撈起，唔好俾湯沖款飛魚子同黑松露。蔬菜都一於唔少得，我哋揀咗冬瓜片、秋葵同埋芋絲，建議用椰雞湯果邊淥，更加鮮甜！打邊爐通常食烏冬，因為係泰式邊爐的關係，今次可以食金邊粉，超特別！除咗Menu上面嘅嘢任食之外，出面吧枱都有好多食物選擇。當中我最鍾意係生菜包，平時出去散叫都唔平，依家竟然可以任拎。而且啲肉碎勁香，配埋生菜好
冬天最好嘅活動就係打邊爐，日式、中式邊爐就打得多，泰式嘅打邊爐真係第一次聽。
覺得好OK ,所以就決定同朋友一齊嚟試吓！
Menu上面嘅食物真係好泰式，同平時見開嘅好唔一樣， 睇見都想試！
因為我同朋友都好為食，所以放題認識嘅邊爐就最適合我哋，唔使就住就住，想食乜就嗌乜，$198一位算係幾平。由於我同朋友都想試多個湯底，所以加左＄20轉鴛鴦湯底。
我哋揀咗招牌泰陰功同埋香噴噴椰雞湯。
冬陰公嘅味道無我想像中辣，相比起來酸味比較重，咁樣會更加適合香港人口味，無咁食得辣嘅朋友都可以試試呢種泰式風味。而且都唔需要擔心辣味太濃cover晒其他食物嘅味道。
至於椰雞湯就係清新嘅選擇，除咗雞嘅鮮甜味之外仲加左重重嘅椰汁，好清香。
打邊爐必備牛丸、芝心丸。
飛魚子蝦滑同埋黑松露墨魚滑幾特別，淥嗰陣記得撈起，唔好俾湯沖款飛魚子同黑松露。
蔬菜都一於唔少得，我哋揀咗冬瓜片、秋葵同埋芋絲，建議用椰雞湯果邊淥，更加鮮甜！
打邊爐通常食烏冬，因為係泰式邊爐的關係，今次可以食金邊粉，超特別！
除咗Menu上面嘅嘢任食之外，出面吧枱都有好多食物選擇。
當中我最鍾意係生菜包，平時出去散叫都唔平，依家竟然可以任拎。而且啲肉碎勁香，配埋生菜好爽口，非常推薦！
飲品方面，雪櫃有汽水任飲。但我都揀咗杯特色mocktail.
青頭仔＄46
呢杯特飲係冇酒精嘅，材料有青瓜、lime同埋接骨花。
飲落去係好清甜嘅，有好香嘅青瓜味同埋花香味，好解渴。
整體來講係一餐價錢實惠、好有特色嘅泰式邊爐。
趁着冬天適合打邊爐，真係值得一試！
张贴
