泰象館

心血來潮想食泰國菜，食泰菜咁梗係去九龍城，求其搵左間OpenRice 評分高既試下，並無令我失望。
兩個男人食飯唔想諗食咩，叫左個套餐。

先黎左個生蝦同沙律。兩個都好新鮮，生蝦爽口鮮甜，加埋佢放左d涼瓜伴碟俾人解辣用，幾細心。

生菜包好惹味，小小辣多多趣，生菜亦新鮮，不過可以再俾多少少生菜就好啦😚

炒芥蘭鑊氣十足，同大排檔有得fight!

明爐烏頭處理得好好，肉質嫩滑，香料又唔會過多遮蓋左魚既油香。

最後最抵讚係芒果糯米飯，椰漿又熱又香，白糯米煙韌，黑糯米爽口，芒果清甜，2個字：完美。
另外，值得一讚店員同老板都好有禮貌，令我食得好開心。