真‧章魚無雙 (已搬遷) 新店位置

去章魚無雙係因為友人嘅朋友推介，友人嘅朋友講到天下無敵，無辦法唔去試下啦。由於呢間舖位置唔係比較多嘢食個邊，而係係貢茶個一邊，所以都搵左一段時間。嚟到都有好多種款式，例如黑松露，不過我地最尾都選擇左食明太子，店員同我哋講要等十分鐘，實際上等左大概七、八分鐘左右。明太子汁都幾重味，亦都唔太辣，而章魚丸方面覺得佢口感比出面一般嘅較軟身，未必人人鍾意，好似我朋友就麻麻，不過我個人就幾鍾意呢個口感，唔知佢係咪特登整到咁。而30蚊六粒都有啲貴，價錢方面建議可作調整。