更多
2020-05-09
2868 浏览
中環搵食一向都唔平,就算晌快餐店,除一啲特價飯之外,基本起錶價都喺四十以上。但最近先留意到食友嘅食評,原來上環有家素食店「松山素食」,外賣嘅飯盒都只喺三十零蚊,而且,食友仲話份量十足。青綠色門面好易認,雖然叫晌上環,但小店位處都算挨近中環尾,晌中環返工嘅我,都覺得值得走遠少少過嚟試吓。小店都有堂食架,不過,店員就話疫情關係,就不設堂食喇,況且,店內地方確實唔喺好大,如果枱與枱之間要保持1.5M距離,就真喺只擺到一枱咋,哈哈!不過,就算有堂食,都喺外賣為上策,因為,外賣比起堂食真喺平一大截。而外賣自取價,兩餸飯賣$30,三餸飯都只喺賣$33,仲送埋老火湯,咁平,去邊度搵,怪不得食友叫我早啲去,否則就大排長龍。至少選擇方面,會喺日日都唔同,但基本上都有6款素食餸菜供選擇。而所有餸菜都晌門口隔住玻璃一眼睇晒,仲留意到店家都好講求衛生,望落都乾淨企理。晏晝一餐,順便預埋今晚。健康素食三餸飯(一) $336款素餸中,小弟就揀咗豉汁欖菜炒涼瓜、粟米茸滑豆腐及清炒菜心,飯、餸分開裝,而且,埋得滿滿,份量十足。食素就唔一定好寡,就好似個豉汁欖菜炒涼瓜,非常惹味,當然,唔食涼瓜就當別論,啲豆腐又好滑溜;
豆瓣醬翠玉瓜炒素肉
29 浏览
0 赞好
0 留言
6款素餸中,小弟就揀咗豉汁欖菜炒涼瓜、粟米茸滑豆腐及清炒菜心,飯、餸分開裝,而且,埋得滿滿,份量十足。食素就唔一定好寡,就好似個豉汁欖菜炒涼瓜,非常惹味,當然,唔食涼瓜就當別論,啲豆腐又好滑溜;
另一兜就預俾老婆試嘅,素菜揀咗豆瓣醬翠玉瓜炒素肉、鮮茄炒蛋及清煮南瓜,三款餸菜都喺合佢口味。尤其個豆瓣醬翠玉瓜炒素肉,初頭唔講,真喺以為午餐肉,炒得仲有啲鑊氣感,而炒蛋亦啱啱好,唔會太過老,至於啲南瓜,雖然喺清煮,但正正食得出南瓜嗰份清甜原味。
今日嘅「例湯」都唔喺「求求其其」,雖然喺素湯,出奇哋唔會淡茂茂無乜味,而且,喺真材實料嘅好湯水。
沙參玉竹雪耳淮山湯
24 浏览
0 赞好
0 留言
除咗三餸飯,據店員介紹每日仲有一款廚師推介,是日就喺素食版嘅星洲炒米,唔知用咗素肉做嘅星洲炒米喺點?咁就不如試埋啦。個「星米」都落咗好多料,食落素肉嘅感覺都唔錯喎,最緊要喺啲米粉唔會炒到碎濕濕,但就比一般慣常晌茱記食到嘅辣,此外,再少啲油就更健康喇!
张贴