影片
更多
2018-10-30
340 浏览
講起一個「肉」字，你會諗起啲乜？「咪小鮮肉囉！」係，我知。不過，如果答「動物」既朋友，我會話，少年，你太年青了！係不久既將來，呢個肉字都可能會變成一個中性既字，因為佢亦可以代表：植物。話說今次掃番黎近屋企啲，全將軍澳區唯一一間素食舖頭Green Common。（其實可唔可以同啲議員反映下，爭取第二間素食店！？）點解黎呢間？因為要試佢個漢堡囉！全間以開放式設計，上方招牌巨大，極易見到，Good！漢堡？肉黎喎，師兄？係唔係掛菜頭賣牛肉先？Ａ～年青人，等我先賣個關子，食野從舖面食起，硬係講左間野先啦～全間分開兩邊，門口果邊係賣健康產品，另一邊就係食野。講真，食野果邊真係唔算得上寬敞，不過因為佈置簡單，感覺唔會太heavy。舖頭行簡約主義，感覺輕鬆，又未去到無印果種全白底。OK，食完間野個殼，當然係時候打開個menu驗明真身啦！咦？睇間野個名以為係鬼佬菜，原來都有中國人同日本人。款式唔算好多，不過絕對夠你揀。思前想後，經過猶豫，經過懊惱，膽大心細，眼闊肚窄後，叫左幾樣野，其中一樣就係今次既target！(1) 植物蛋照燒碗(2) 氣炸素雞槌 配蘇太名醬(3) 未來漢堡Classic + 薯條(
「咪小鮮肉囉！」係，我知。不過，如果答「動物」既朋友，我會話，少年，你太年青了！
係不久既將來，呢個肉字都可能會變成一個中性既字，因為佢亦可以代表：植物。
話說今次掃番黎近屋企啲，全將軍澳區唯一一間素食舖頭Green Common。
（其實可唔可以同啲議員反映下，爭取第二間素食店！？）
點解黎呢間？因為要試佢個漢堡囉！
全間以開放式設計，上方招牌巨大，極易見到，Good！
漢堡？肉黎喎，師兄？係唔係掛菜頭賣牛肉先？
Ａ～年青人，等我先賣個關子，食野從舖面食起，硬係講左間野先啦～
全間分開兩邊，門口果邊係賣健康產品，另一邊就係食野。講真，食野果邊真係唔算得上寬敞，
不過因為佈置簡單，感覺唔會太heavy。
舖頭行簡約主義，感覺輕鬆，又未去到無印果種全白底。
OK，食完間野個殼，當然係時候打開個menu驗明真身啦！
咦？睇間野個名以為係鬼佬菜，原來都有中國人同日本人。款式唔算好多，不過絕對夠你揀。
思前想後，經過猶豫，經過懊惱，膽大心細，眼闊肚窄後，叫左幾樣野，其中一樣就係今次既target！
(1) 植物蛋照燒碗
(2) 氣炸素雞槌 配蘇太名醬
(3) 未來漢堡Classic + 薯條
(4) 野菌湯同紫薯杏仁奶
唔洗講都知今次既target就係個漢堡啦！唔好講咁多，大家睇下相先！
未來漢堡Classic + 薯條
47 浏览
0 赞好
0 留言
你話中間果舊係咩黎？
係，從來素食界裡面都有所謂既素肉，不過呢舊唔係，因為佢係黎自未來既肉！
師兄，你講緊咩？係咪食完會變傻！？
所謂「未來漢堡」，就係以純植物材料，做到色、香、味，連觀感口感質感咩感都同真肉一樣。
叫佢做「未來」，係因為科學們認為未來會又更多唔同既素肉，而係可以取代真正既肉類，
對環境好，重可以停止殺生，令動物受到不人道既對待，當然人都會健康啲，食都食得開心啲。
但一定有人問：「食素食到咁，不如食肉啦」不過我會話：「橫掂係一樣，不如你都一齊食素肉啦」。
咁講真，食落去，點都會有分別，不過我唔講，我真係唔知食唔食得出係A貨漢堡。
而且因為係純植物，食落去好舒服，柔軟、爽同滑！而且味道重～～嘻嘻！
真心，風水佬呃你十年八年，不論你係咪食素，都應該比呢到「呃」番次。
植物蛋照燒碗（右）氣炸素雞槌 配蘇太名醬（左）又講番兩位配角。其實個人真係唔係好中意啲肉名既素菜。
尤其係個雞槌，不過寫住「蘇太」名醬，姓蘇或者嫁左比姓蘇既女士，
又點忍手唔試？重要同桌就有個蘇太係到。
明明叫左雞槌，點知黎左燒鵝睥！你睇呢位蘇太，根本就係係到「拟」緊隻雞槌！重要係一隻貌似燒鵝睥既雞槌。
其精髓在於佢裡面有一條雪條棍，令到人可以有拎住黎「拟」既效果，實在太感動了！
至於個蘇太名醬，原來係一啲酸酸地既汁，好香亦好開胃。
but well…試完就算，下次應唔會再叫。如果問佢係咩味，我會話係玩味。
至於個燒碗，當然唔係燒個碗同食個碗。主角係隻植物蛋，外型同口感都同真既一樣，
只係冇味。但內容十分豐富，好多材料，個飯原來係紅米同糙米反而成為左驚喜！
大配角既野菌湯同紫薯杏仁奶，我都贈番兩個字：好美味。
聽講香港人中意食完野就行下街，shop下ping。呢到只要你行幾步就可以shopping。
而且都係啲健康產品，尤其係食既，由BB到大人都岩。而加講源頭減廢，減少消費，
但要shop，起碼要shop番啲對自己同環保都好啲既野。
食完後當散步又得，買下啲健康野亦得，得左！係cashier比完錢，可以留意下你既前下方，雖然冇問，不過睇個樣似係除左可以自由拎，
重可以自由放袋入去。
不過，最好都係放入自己個袋或環保袋啦。
Kind to ourselves Kind to the planet, my friend.
张贴
