Doux (已結業)

女人最愛就係靚靚又得意嘅甜品，所以今晚就決定帶我係LA長大嘅表妹黎食呢間「好睇得」嘅甜品餐廳~餐廳係一棟商業大廈入面，但係全層都係屬於佢嘅，所以佔地都幾大下，而且仲有落地玻璃係窗邊，氣氛真係幾好，浪漫之餘又好舒服黎呢到緊係食佢地嘅得意甜品啦，所以就係其他地方食完主菜先黎，但係原來佢地都有提供熱食，都係一般嘅扒餐或者意粉咁，不過我地已經好飽，淨係嗌甜品就夠喇落單一陣之後，一個粉紅色嘅波就黎喇，佢就係Ruby Peach，佢係用桃味嘅Mousse整成球體嘅形狀，中間仲有香桃啫哩做餡，而伴碟嘅就有蛋白餅、麥餅脆脆、椰果同紅色嘅花瓣，望真係好吸引，不過Mousse唔夠滑溜，同埋整體每一部份都係偏甜，所以我就唔太喜歡另外一個係造型比較可愛嘅Honey Comb，主題係蜜蜂同蜂巢，因為呢個甜品主要用蜜糖為主，蜂巢係蜂蜜檸檬芝士整嘅Mousse，而包圍住蛋糕嘅係用液態痰急速凝固嘅蜂蜜冰粒，由於是極低溫嘅關係，一上枱時冰粒仲會出凍煙嫁，員工就細心咁提醒，等啲煙散去之後先至好食，若果唔係就會有機會凍傷舌頭或者個口。相比前者，我更加鍾意呢個，蜂蜜味道非常濃郁，每一啖都可以食到甜甜嘅蜜糖味，而冰粒除咗凍之外