影片
更多
2019-12-30
431 浏览
「晴天、陰天、雨天，我在何地，亦都會等你。」，香港人之所以咁為食，可以為左新開既鋪頭而排幾粒鐘隊，又捨得係高級餐廳洗錢。不外乎一個原因，就係香港實在太多好西，細細個已經被寵壞左條脷，自然對食物既要求愈黎高。同時亦造就左眾多Omakase市埸需求，近年好多壽司店都推出午市優惠價，講緊只需要三百零蚊就食到12件既手握壽司既日本直送，當中既食材仲要係由師傅每日按時令季節、新鮮日本直送到港，性價比咁高，精明既香港人當然識得食啦！我亦都唔例外，今次黎到尖咀新開既「志 - Kokorozashi」，就充分滿足到香港人著重份量、食材、新鮮感既重要元素，同時亦不乏傳統製法。而地方開揚，坐得夠舒服，仲有L型吧枱，氣派十足！👇📌Chef’s Special Omakase Set - $380👉由師傅度身訂造既「季節会席全11品」，賣相好似一個日式便當，但當中選取既食材相當矜貴。▪ 刺身三點 - ▫ 真鯛：色澤鮮明，魚味清淡而帶鮮，肉質爽甜；勘八：魚皮吸晴，油份飽滿肥美，我最鍾意；帆立貝：肉質厚身，雙重口感。▪ 手握壽司四點 - ▫ 由左至右見到中拖羅：入口細嫩，油份恰到好處；北海道海膽：睇落夠哂肥美鮮甜
又捨得係高級餐廳洗錢。不外乎一個原因，就係香港實在太多好西，細細個已經被寵壞左條脷，
自然對食物既要求愈黎高。同時亦造就左眾多Omakase市埸需求，近年好多壽司店都推出午市優惠價，
講緊只需要三百零蚊就食到12件既手握壽司既日本直送，當中既食材仲要係由師傅每日按時令季節、
新鮮日本直送到港，性價比咁高，精明既香港人當然識得食啦！我亦都唔例外，今次黎到尖咀新開既
「志 - Kokorozashi」，就充分滿足到香港人著重份量、食材、新鮮感既重要元素，同時亦不乏傳統製法。
而地方開揚，坐得夠舒服，仲有L型吧枱，氣派十足！👇
📌Chef’s Special Omakase Set - $380
👉由師傅度身訂造既「季節会席全11品」，賣相好似一個日式便當，但當中選取既食材相當矜貴。
▪ 刺身三點 -
▫ 真鯛：色澤鮮明，魚味清淡而帶鮮，肉質爽甜；勘八：魚皮吸晴，油份飽滿肥美，我最鍾意；帆立貝：肉質厚身，雙重口感。
▪ 手握壽司四點 -
▫ 由左至右見到中拖羅：入口細嫩，油份恰到好處；北海道海膽：睇落夠哂肥美鮮甜，入口即時融化；
甜蝦：肉質新鮮爽口，啖啖肉，唔錯；伊佐目：口感柔軟，好香口，非常好食。
▪ 迷你三色丼飯 -
▫ 三款材料拼埋顯得賣相特別精緻，當中蔥吞拿魚腩蓉：幼滑含豐富油香，入口即融；
海膽：份量十足，入口鮮甜飽滿，簡直係停唔到口；三文魚籽：鮮味彈牙，每粒光澤搶眼，令成個丼飯的確生色不少。
▪ 燒鯖魚 -
▫ 鯖魚表面燒到甘香脆口，每啖魚肉都夠厚身又多汁，惹味又唔會腥，唔錯。
▪ 天婦羅 -
▫ 炸蝦脆漿做得均勻薄脆，蝦肉口感結實有彈性；苦瓜先苦後帶甜，容易入口。
▪ 煮物 -
▫ 分別有冬菇、枝竹、甘筍，清新一下口腔，減低油膩感。
▪ 茶碗蒸 -
▫ 睇個碗就覺得藝術感豐富，真係想問佢賣唔賣，不過蒸蛋做得幾好，口感細滑，蛋味十足，整體真係食得過！
📌Omakase Sushi Set - $350
👉精心推介性價比最高既呢個Lunch Set「握りのおまかせ13貫」，師傅好細心幫我分好兩個擺碟，
頭12款壽司會由師傅發辦，而最後一件會由食客自行encore揀返自己想食既一件壽司。
-
♦由第一個白碟開始：
▪ 由上排左至右 -
▫ 墨烏賊：質感厚身又夠彈牙；北海道帆立貝：新鮮夠鮮甜就梗咖啦！
▪ 中排左至右 -
▫ 北海道子持渡蟹：真係第一次食，鮮味濃郁；
宮城縣活赤背；睇見都食指大動，入口鮮甜爽口。
▪ 下排左至右 -
▫ 真鯛；肉質細緻結實，入口彈牙又有口感，唔錯；勘八；魚味濃郁，一個字：鮮呀！
♦由第二隻紅碟開始：
▪ 上至下第一排 -
▫ 長崎縣中拖羅；最講求既係重油份而不失魚香，呢個中拖雖然無大拖入口即融既口感，
但一樣做到厚切肥美，油而不膩，非常好食。
▪ 第二排左至右 -
▫ 長崎縣燒腦天：又係第一次試，原來燒腦天姐係吞拿魚既天靈蓋，係吞拿魚最貴既部位，
以火槍輕輕燒過可以帶出更濃既魚香味，幾特別；北海道甜蝦：打孖上落足料配埋赤醋飯一齊食，食完包你返尋味。
▪第三排左至右：
▫燒左口魚裙邊：經火炙燒過之後，佢既油香更加變得濃郁，裙邊質感柔軟適中，幾有咬口；
北海道活北寄貝：口感絕對爽嫩鮮甜，唔錯。
▪ 最下排：
▫ 北海膽白海膽：成啖鮮味湧哂出黎，成個Set難以抗拒既一定係佢地海膽，一啖接一啖融化係口腔，真係一個魔力黎。
张贴
