影片
更多
2020-07-10
196 浏览
傳統中菜都需要改變一下包裝，為佢造型增加唔少新鮮感，自然成為飲食界既潮流文化。講緊邊間？咪就係灣仔新開既滬菜專門店「滬點 · Shanghai spot」囉，餐廳採用左別具時尚觸覺既印有點心圖案既LED燈牆身，將整個感覺煥然一新，係年輕一代追求既新方向！👇📌冷 盤 - ▪ 陳醋水晶肴肉 - $56▫ 滬菜之所以吸引，係在於心機同工序都比較繁複，而呢道水晶肴肉用左陳醋做皮凍，所以味道更加香醇突出；而麵皮當中包含糯米餡料，食落口感煙韌有咬口，唔錯，果然第一道菜已經有驚喜！📌點 心 類 -▪ 招牌小籠包 - $48 (4隻)▫ 每日由員工以人手新鮮製作，並承傳統中菜老師傅既手藝，而一籠四件，每一隻小籠包厚薄度均一，就算夾落都唔會爆哂湯汁出黎，呢點要大讚。裡面餡料用左濃厚既豬骨湯同埋紅頭蔥，食落特別有風味，點上醋汁更加滿足！▪ 老上海珍珠燒賣 - $48 (4隻)▫ 珍珠燒賣都係第一次試，其實係由上海圓頭糯米包係麵皮裡面，而食落煙煙韌韌，口感好特別。加上濃郁既糯米香，飽肚得黎又唔會太油膩，呢個食得過！📌海 鮮 -▪ 松 子 魚 - $168▫ 輪到我最愛既松子魚呀，新鮮即叫即炸，表面外層炸得夠
自然成為飲食界既潮流文化。講緊邊間？咪就係灣仔新開既滬菜專門店
「滬點 · Shanghai spot」囉，餐廳採用左別具時尚觸覺既印有點心圖案既
LED燈牆身，將整個感覺煥然一新，係年輕一代追求既新方向！👇
📌冷 盤 -
▪ 陳醋水晶肴肉 - $56
▫ 滬菜之所以吸引，係在於心機同工序都比較繁複，而呢道水晶肴肉
用左陳醋做皮凍，所以味道更加香醇突出；而麵皮當中包含糯米餡料，
食落口感煙韌有咬口，唔錯，果然第一道菜已經有驚喜！
📌點 心 類 -
▪ 招牌小籠包 - $48 (4隻)
▫ 每日由員工以人手新鮮製作，並承傳統中菜老師傅既手藝，而一籠四件，
每一隻小籠包厚薄度均一，就算夾落都唔會爆哂湯汁出黎，呢點要大讚。
裡面餡料用左濃厚既豬骨湯同埋紅頭蔥，食落特別有風味，點上醋汁更加滿足！
▪ 老上海珍珠燒賣 - $48 (4隻)
▫ 珍珠燒賣都係第一次試，其實係由上海圓頭糯米包係麵皮裡面，
而食落煙煙韌韌，口感好特別。加上濃郁既糯米香，
飽肚得黎又唔會太油膩，呢個食得過！
📌海 鮮 -
▪ 松 子 魚 - $168
▫ 輪到我最愛既松子魚呀，新鮮即叫即炸，表面外層炸得夠薄脆，
入口帶陣陣既酸甜味，相當開胃。而魚頭同魚尾真係好似薯片咁，
口感脆卜卜；但同時裡面既肉質依然做到好嫩滑，仲有淡淡既甘香，
用黎撈飯真係無得輸！
▪ 漁香蝦仁 - $128
▫ 每粒蝦仁做到晶瑩剔透，食落肉質爽彈，以中式餐館標準黎講，
呢間整體可以話係中上水準。
张贴
