施心畢老撾餐廳

营业中

休息中

成個晚飯最鍾意係白咖喱雞肉見球！😍一上枱見到成個碟裝滿曬飯、餸同汁，一d蕯都冇！真係一d都唔同你慳呀！食第一啖——好味到大聲講左句：「好好味呀！」爭d大聲到成間餐廳都聽到😹🙈。朋友即刻問我有冇咁誇張呀。話你知——一d都唔誇張，你試下就知。第一啖係食個飯，一入口有好香椰汁味，佢值得一讚嘅係d椰汁唔會好甜，剩係將個香味帶出黎。試到個飯酸酸地，好奇之下問左侍應係咪落左醋，佢話原來係d白咖喱汁落左青檸！唔怪得入口咁香、咁好味啦！話佢d餸塞滿成隻碟一d都唔誇張，有草菇、蕃薯、薯仔、茄子、粟米等。真係好鍾意呢個飯呀！😍有我鍾意食嘅蕃薯同薯仔。雖然薯條唔係主菜，但造得一d都唔馬虎。熱辣辣，外皮重脆架！米粉食左兩個：一個豬頸肉粉，一個海鮮粉。豬頸肉粉豬頸肉夠腍又入味，厚薄剛好。有好多芽菜、椰菜、香葉、炸蒜、同胡椒粒重有豆卜。米粉較平時食開果d粗dd，更有口感！海鮮粉一上枱不其然「嘩」左一聲！事關佢有好多大大片嘅蝦片鋪喺米粉上面！畫面好震撼呀！再加埋d海蝦，絕對要相機食先呀！除左蝦重有蝦餅同魷魚仔同蠔豉仔。