九井壽司 (已結業)

又到左放飯時間，夠鐘即刻同同事衝去攞位，因爲真係幾受歡迎，去到已經見到十幾人喺門外等候入座。九井壽司係以新幹線列車全自動送餐，雖然唔係第一間有呢個服務，不過呢度有提供兒童餐，門口仲有一系列圖書、玩具比小朋友玩，最適合一家大細過黎食下午茶、晚餐，非常貼心。高速列車送餐服務每樣前菜加$8就可以分別叫齊味付螺肉、中華海蜇、芝麻八爪魚，份量唔細，海蜇爽口，螺肉爽滑大大件。火炙刺身丼定食 $72三文魚/左口魚/帆立貝/油甘魚/三文魚籽/蟹棒/甜蛋火炙刺身別有一番滋味，燒完的刺身有微微焦香同魚油香，可以食到我最中意的火炙左口魚真係超有驚喜！左口魚油脂味超香，入口即化，味道濃郁甘香，三文魚同油甘魚幾厚切，香嫩肥美。珍珠米飯亦係另一賣點，粒粒飽滿分明，口感煙韌，份量都幾多下。角切魚生丼定食 $72三文魚/三文魚腩/希靈魚/吞拿魚/蟹籽/甜蛋一碗有齊多款雜錦角切魚生，平時比較少見到角切魚生丼有希靈魚，口感爽脆鮮甜，連埋蟹籽一齊食有雙重卜卜脆口感。三文魚腩肉質肥美，吞拿魚口感軟滑唔多筋，配埋煙韌米飯，酸度適中好開胃。海苔魷魚天婦羅 $28炸得甘香鬆脆，海苔味勁濃，魷魚好有嚼勁，每條都幾粗身，唔會炸得太乾太