老三油渣麵 (已結業)

週末去咗行金山郊野公園睇馬騮🐒最後就係蘇屋邨落山。落山後急需補充體力，係附近左揾右揾下見到呢間油渣麵，呢種老香港既味道零舍吸引我去幫襯⛰

門面同一般粉麵鋪差唔多，但裝修比較新淨，冇乜異味，相信抽風系統都幾好，係疫情期間都食得安心d，行到入去仲見到有部份位置係樓梯底，原來係因為樓上唐樓既設計致使，舊區餐廳感覺有特色🏘

🥟淨韮菜餃  $32／7隻
粒粒飽滿足料，咬開時香味瀉出，肉餡調味都幾用心。湯配上幾塊生菜，營養方面都照顧返。

🍤炸黃金蝦仁棗 $30／6件
推薦之選，同平時食開既蝦膠蝦餅唔同，呢舊蝦仁棗食落口感實淨得黎有彈力，每啖咬落都幾有勁度，點埋泰式酸甜醬仲更加惹味。