巴辣仔烤魚雞煲 (加連威老道) (已結業)

「抵食尖嘴烤魚新發現」～～～有一段時間都冇食烤魚啊 火鍋啊 等等有蒸氣嘅食物 終於最近情況好咗啲我同大舊就馬上要出動啦😆～～～今次我地食嘅係the one 附近嘅一間新開烤魚店 見到門口寫住有八折 就即刻諗都無諗 入咗去食😁～～～餐廳有上下兩層 我哋今次就坐咗係上層 佢哋出面有一個自助嘅位 可以任你自己撈醬汁 同埋食西瓜 仲有冰粉😛～～～我地叫咗 尖椒皮蛋 一條沙巴龍躉 要酸菜味（小辣）配料有金菇 蓮藕 鮮腐竹同豆卜另外再加點出前一丁 梅林午餐肉 同鴨血 有肉有魚 有菜 有主食 真係好豐富😍～～～皮蛋份量好多😊😊😊夠曬我地兩個人食 沙巴龍躉都超巨型 但係由於好好食 所以我哋都完全清得晒😌 酸菜越滾越惹味 腐竹 金菇同豆卜都好索汁 蓮藕就爽口新鮮 鴨血超嫩滑 我同大舊都超愛 午餐肉份量好大方 😆 雖然我哋已經好大食 但係都食極都食唔晒加埋個出前一丁 成餐真係非常正 好耐都未試過咁滿足 最後食完之後仲可以食個涼涼爽爽嘅冰粉 😄😄 ～～～推薦度：🔥🔥🔥🔥🔥🔥🔥🔥（10🔥為最高餐廳：巴辣仔烤魚雞煲 (尖沙咀)地址：尖沙咀加連威老道58-60號幸福大廈地下及1樓