意樂餐廳 (逢源大廈)

营业中

休息中

大和圓板燒 - 美式雜扒 $72雜扒餐好豐富包括豬扒、雞扒、煙肉、法蘭克福腸、加埋薯條、煎蛋、雜菜仲有炒珍珠飯，淨係數到數咁耐，份量又大又抵食，可選牛肝菌汁或黑椒汁，我自己選擇牛肝菌汁，店員會另上汁自己淋上面，食得哂包你飽到上心口，非常豐富，值得推介。厚切吉列豬扒豬骨濃湯拉麵 $53豬骨湯比較普通，食落似牛乳湯多過豬骨湯，配料有溏心蛋，粟米，木耳等，拉麵煮到淋左少少，無咩口感，不過吉列豬扒就真係炸到脆卜卜，咬落仲有肉汁，加埋千島醬食又幾夾。黑松露煙肉菌皇忌廉扁意粉 $56呢樣又係另一個值得推介既食品，扁意粉軟硬適中有咬口，忌廉汁濃厚Creamy，份量亦不少，抵食！