影片
更多
2020-11-08
3316 浏览
是日在長沙灣整完眼鏡，又要過嚟荔枝角工廈換禮品，諗住慳番程車錢，索性行一個站返美孚，並順路睇睇有咩好食，食埋先返屋企。就晌附近路經「明德清湯腩」，但唔喺清湯腩吸引小弟入去，而喺寫住咩「正宗巴基斯坦咖喱」吸引咗我入去試試。 餐廳屬小店格局，由於疫情關係，成間餐廳都樹咗好多白膠板做阻隔，好似啲十八羅漢迷暈陣咁，好搞笑。都有幾多街坊幫襯，小弟一條友就梗喺拍埋牆，搵個自閉位啦！餐牌面頁就寫到明佢哋嘅主打：秘製清湯牛腩、正宗巴基斯坦咖喱、正宗潮汕手打牛丸，翻關內頁，除上述主打，就仲有啲中西式碟頭飯、各式各樣湯粉麵、蕃茄濃湯粉麵、特色小食，而飲品又提供有加配優惠價。另外，見佢哋有個獨立嘅燒味飯菜牌，應該喺新加嘅，相信喺增加多一點外賣客源，尤其附近工廠客多。所有餐具、紙巾、基本調味料就放晌枱旁，全開放式，個人建議，攞杯熱水洗洗衛生啲！蜆蚧鯪魚球 $35因為太耐無食過喇，所以，貪口痕點咗一客。絕對喺鮮炸嘅，因為，一送到上枱就聞到陣陣香味，咬落去好熨口，但卻非常甘香，質感彈牙到不得了，沾點蜆蚧，鹹鮮味更昇華。咖喱三寶飯 $53港式咖喱、日式咖喱、印度咖喱就食得多，印象中，巴基斯坦咖喱就好似無乜食過，就算
餐廳屬小店格局，由於疫情關係，成間餐廳都樹咗好多白膠板做阻隔，好似啲十八羅漢迷暈陣咁，好搞笑。
都有幾多街坊幫襯，小弟一條友就梗喺拍埋牆，搵個自閉位啦！
餐牌面頁就寫到明佢哋嘅主打：秘製清湯牛腩、正宗巴基斯坦咖喱、正宗潮汕手打牛丸，翻關內頁，除上述主打，就仲有啲中西式碟頭飯、各式各樣湯粉麵、蕃茄濃湯粉麵、特色小食，而飲品又提供有加配優惠價。
另外，見佢哋有個獨立嘅燒味飯菜牌，應該喺新加嘅，相信喺增加多一點外賣客源，尤其附近工廠客多。
所有餐具、紙巾、基本調味料就放晌枱旁，全開放式，個人建議，攞杯熱水洗洗衛生啲！
蜆蚧鯪魚球 $35因為太耐無食過喇，所以，貪口痕點咗一客。絕對喺鮮炸嘅，因為，一送到上枱就聞到陣陣香味，咬落去好熨口，但卻非常甘香，質感彈牙到不得了，沾點蜆蚧，鹹鮮味更昇華。
蜆蚧鯪魚球
$35
46 浏览
0 赞好
0 留言
港式咖喱、日式咖喱、印度咖喱就食得多，印象中，巴基斯坦咖喱就好似無乜食過，就算曾幾何時食過，都無乜印象。咖喱三寶另碟上，一大碟，而望上去咖喱落咗好多料，個樣比較粗糙，但味道唔錯，咖喱味頗香，微微辣。
牛腩炆得好軟腍，入口肉質亦感受到嗰份鬆化，好有肉香，加上啲牛腩黐住少少脂肪，健就唔健康架喇，但就多添一點點油脂香。
牛脷就有份獨特嘅柔韌感，而且，亦有種獨特嘅氣味，小弟本身亦鍾意食牛脷，尤其紅酒燴牛脷，又喺另一撈飯極品。
牛肚特點就喺爽口，咬落去就好對辦，爽口得嚟又唔會好似擦紙膠咁扯唔開，襯咖喱當然好食啦，所以，「三寶」都各有特色。
凍奶茶 +$10平常都慣飲熱奶茶多，不過，今晚既食炸鯪魚球，又食咖喱，所以，改改飲凍嘅。一啖咖喱飯，一口凍奶茶，感覺喺幾爽嘅，況且，茶底沖得幾香，口感醇厚。
唔怪得有咁多街坊、工友幫襯（外賣嘅亦見到唔少），確喺有其道理，亦希望小店繼續保持質素，一家店有質素嘅，自不然長做長有。靠啲花巧嘢呀，或者賣啲趕潮流嘅食物，都喺唔長遠！
张贴
