肉骨皇 (已結業)

細個日日返工就成日諗住幾時退休唔洗做，係屋企嘆世界，以為好爽。到而家香港疫情爆發啦，企業先後宣佈裁員減薪，而家想保住份工都唔係咁易呀！就連近期飲食業都出現倒閉潮，為表支持一下佢地，當然揀間自己鍾意既餐廳啦。係大坑就有間新加坡菜老字號「肉骨皇」係我一直既心頭好，作為常客點可以唔撐呀！👇📌招牌肉骨茶 - $98👉佢地既肉骨茶有分大細，有火爐一路滾住唔會怕佢攤凍哂，而呢煲肉骨茶最大賣點係，濃濃深啡色既湯底，帶住啖啖濃郁既藥材味，加上胡椒有種份外惹味。而主角肉質煮得夠腍身，配角豆卜亦不失霸氣，幾有趙口，整體無退步到，唔錯。📌海鮮喇沙 - $68 (午市)👉星馬招牌菜之一當然係喇沙啦，呢碗一次過食盡幾款生猛海鮮，淨係大大隻海蝦非常醒胃呀，加上魚片、溏心蛋、獅蚶，每樣都做到辣中帶香，爽口鮮甜。湯底入口濃郁滑溜，麵條有咬口，唔會過淋，真材實料！