元札幌拉麵 (宇晴軒商場)

今日到長沙灣四小龍探朋友，雖然友人有物業無土地問題，但有樓嘅人都係懶啲嘅XD 所以搵食都決定唔行遠，近近哋落樓下食算喇。行到呢間元札幌拉麵友人話CP值幾好，於是大比數決定去試試！

價錢真係幾親民，而且好靈活，套餐有好多配搭方式。我同老婆就決定要一個188套餐，4個唔同category各揀一款。最深刻印象一定係溫泉蛋牛舌飯，個汁好甜好入味，而且牛舌入口即溶，都幾出色！而且都幾足料，牛吞有成6、7舊，食極都仲有，抵食。另外小食要咗餃子，熱辣辣又夠皮薄，喜歡香口嘢嘅朋友一定要叫！

因為嘢食都真係幾好味，於是安歌多一碟焗蠔！蠔幾鮮美，亦都啖啖肉，好味！友人話呢度啲麵都有水準，等下次再嚟試下先！