影片
更多
2020-03-14
740 浏览
以前食泰國菜間唔中都會專登入九龍城食小曼谷，近一年小曼谷係銅鑼灣幢新商廈 — Tower 535地庫開左香港區第一間分店，平時午餐間唔中都有與同事食，Lunch Set幾抵食，今次終於食Dinner門口有間火車，可以打下卡影相。呢幢商廈幾新淨，所以連帶小曼谷內裡都覺得潔淨舒適，比九龍城店稍好，座位仲幾寬敞添。另外，餐廳仲有駐場歌手，撞岩仲有Live聽下，都幾有氣氛。泰式燒盲鰽: 晚市$288孖寶都幾抵，另外仲可搭配半隻海南雞或其他海鮮。盲鰽魚肚放左唔少香茅及檸檬葉等香料，再以粗鹽包住燒製，因此有陣陣香氣。魚無打鱗所以一掀就掀得開，內裡嘅魚肉非常嫩滑，魚肉鮮味，鹽味適中唔會太鹹，都幾好食。風味燒豬頸肉 ($118): 燒得幾Juicy惹味，肉汁幾豐富，肉質夠滑又唔會乾，真係幾好食。另外，配埋其秘製嘅泰式醬汁，濃郁帶微微辛香！黃咖喱牛腩 ($98) & 泰式原味酥餅 ($45): 呢個組合絕對係必點，首先小曼谷嘅黃咖喱整得幾好食，約有馬來風味，偏椰香奶滑，個味調得非常唔錯。另外，酥餅真係好好食，香滑酥軟，帶少少牛油香，配埋咖喱一齊食，真係好融合，一定要試！鮮菠蘿海鮮炒飯 ($93): 炒飯
門口有間火車，可以打下卡影相。呢幢商廈幾新淨，所以連帶小曼谷內裡都覺得潔淨舒適，比九龍城店稍好，座位仲幾寬敞添。另外，餐廳仲有駐場歌手，撞岩仲有Live聽下，都幾有氣氛。
泰式燒盲鰽: 晚市$288孖寶都幾抵，另外仲可搭配半隻海南雞或其他海鮮。盲鰽魚肚放左唔少香茅及檸檬葉等香料，再以粗鹽包住燒製，因此有陣陣香氣。魚無打鱗所以一掀就掀得開，內裡嘅魚肉非常嫩滑，魚肉鮮味，鹽味適中唔會太鹹，都幾好食。
風味燒豬頸肉 ($118): 燒得幾Juicy惹味，肉汁幾豐富，肉質夠滑又唔會乾，真係幾好食。另外，配埋其秘製嘅泰式醬汁，濃郁帶微微辛香！
黃咖喱牛腩 ($98) & 泰式原味酥餅 ($45): 呢個組合絕對係必點，首先小曼谷嘅黃咖喱整得幾好食，約有馬來風味，偏椰香奶滑，個味調得非常唔錯。另外，酥餅真係好好食，香滑酥軟，帶少少牛油香，配埋咖喱一齊食，真係好融合，一定要試！
鮮菠蘿海鮮炒飯 ($93): 炒飯放左適量咖喱粉，加上大量鮮菠蘿粒、海鮮，包括鮮蝦及魷魚等，仲有腰果及肉鬆等等，非常足料，啖啖都係肉。飯粒夠乾食，粒粒分明，都算okay，但就無乜特別之處。
以下係餐牌資料:
张贴
