菜式以西式輕食為主，我地3個點了brunch套餐，套餐包括 湯 / 沙律、主食、餐飲。
蜜糖芥末烤雞墨西哥卷（wrap）搭配田園沙律，外觀清新健康，擺盤也頗具美感。不過，口感方面仲有改進空間，餡料如雞肉、蕃茄、生菜有d乾身，唔夠醬汁平衡整體口感。
紐西蘭頂級肉眼扒配薯條的主菜，賣相吸引，令人食指大動。牛扒煎至外層微焦，肉質厚實，切開後仍保留肉汁，熟度控制得宜，入口香嫩。但番茄醬味道有點怪，似乎是大陸入口，酸甜度不夠平衡。
香烤雞扒全日早餐食材豐富，適合鍾意多樣化口感嘅食客。主菜包括香煎雞扒、香腸、滑蛋、烤蕃茄、香烤大啡菇、蜜瓜片及牛油多士，營養均衡，份量足夠。牛油多士有一面煎得好燶，呢點要扣分。
Owens 是將軍澳不錯的休閒選擇，食物品質穩定。整體推薦，俾4/5星 😋
