影片
更多
2024-06-26
49 浏览
今晚諗住同老公兩個人喺屋企煲劇，但係又唔想食熱氣嘅薯片爆谷，聽朋友講大埔墟有一間港式風味小吃，於是就過去睇吓有乜嘢啱食。佢位於大埔墟嘅一個小巷，叫「廣豐味」，門口已經有好搶眼嘅霓虹燈牌，好吸睛，所以都唔難搵。見到有好多野食：滷肉飯、粉果、混醬腸粉、燒賣、等等。最吸引我嘅係門前凍櫃擺放嘅一串串滷水小食，只需要$10一串！！凍櫃真係好冰凍，咁熱嘅天氣都唔怕變壞，個櫃入面都好乾淨，老闆幫我執滷水串嘅時候帶住手套，感覺衛生。今次我哋點咗紅腸、生腸、雞腎、雞翼尖、魚蛋、鴨舌、魷魚等等。一拎到手忍唔住拎咗幾串出嚟食。真係要特別介紹以下呢幾樣：雞腎有口感、魚蛋彈牙、生腸爽口、滷脆蝦美味！！每一樣嘅味道都懷舊美味，佢嘅秘製醬汁都好出色，配上甜醬芥辣，味道提升了不少。老闆都好好人，少少怕羞但又會介紹舖頭嘅滷水串串比我，下次要去試埋滷肉飯同埋腸粉！
佢位於大埔墟嘅一個小巷，叫「廣豐味」，門口已經有好搶眼嘅霓虹燈牌，好吸睛，所以都唔難搵。
見到有好多野食：滷肉飯、粉果、混醬腸粉、燒賣、等等。最吸引我嘅係門前凍櫃擺放嘅一串串滷水小食，只需要$10一串！！
凍櫃真係好冰凍，咁熱嘅天氣都唔怕變壞，個櫃入面都好乾淨，老闆幫我執滷水串嘅時候帶住手套，感覺衛生。
今次我哋點咗紅腸、生腸、雞腎、雞翼尖、魚蛋、鴨舌、魷魚等等。一拎到手忍唔住拎咗幾串出嚟食。
真係要特別介紹以下呢幾樣：雞腎有口感、魚蛋彈牙、生腸爽口、滷脆蝦美味！！每一樣嘅味道都懷舊美味，佢嘅秘製醬汁都好出色，配上甜醬芥辣，味道提升了不少。
老闆都好好人，少少怕羞但又會介紹舖頭嘅滷水串串比我，下次要去試埋滷肉飯同埋腸粉！
张贴
