更多
2021-09-18
2125 浏览
虽然作为美孚街坊，老实讲，又唔喺美孚间间餐厅都试匀晒，有时都睇个人偏好。早排试咗间汉堡包店，老婆就拣咗个烤大啡菇素汉堡，大赞好食，最近又话想食番次汉堡，趁佢今日有堂上唔得闲煮，一于外卖。美孚近美孚广场𠮶边，就有家风评不俗嘅汉堡包专门店，有时经过都见几多人帮衬，今晚一于嚟试试。因为喺外卖专门店，环境、服务就无太多嘢好写，不过，望落去，至少铺面都企理干净。而当日招呼小弟位哥仔就几好礼貌，兼详细解释转套餐点搞。初时，单睇店名，以为佢哋净喺卖汉堡，原来仲有意粉、薄饼，而饮品亦非只得汽水、梳打之类，仲有多款健康嘅冷泡茶，仲有几多口味添，真喺估佢唔到。简单讲，任何主食加$10/$15转为套餐，多一份薯条或蒜蓉包，前者可拣任何一款汽水，后者就可拣任何一款冷泡茶。除咗单张所显示嘅固定款式，仲有一啲新款式或不时出现嘅期间限定，好似呢期就见到有啲芫荽汉堡、麻辣汉堡、吉列炸蚝汉堡、蓝鳕鱼柳嘅热狗，睇落甚有新鲜感，又几吸引，所以，都拣咗一款芫荽汉堡试试。此外，人多高兴吓，可以试吓佢哋啲派对4人餐，汉堡包 x 意粉 x 薄饼 x 小食 x 饮品，选择弹性大，实价$398，都食得过。虽然非繁忙时段，但亦见佢哋有做
因为喺外卖专门店，环境、服务就无太多嘢好写，不过，望落去，至少铺面都企理干净。而当日招呼小弟位哥仔就几好礼貌，兼详细解释转套餐点搞。初时，单睇店名，以为佢哋净喺卖汉堡，原来仲有意粉、薄饼，而饮品亦非只得汽水、梳打之类，仲有多款健康嘅冷泡茶，仲有几多口味添，真喺估佢唔到。简单讲，任何主食加$10/$15转为套餐，多一份薯条或蒜蓉包，前者可拣任何一款汽水，后者就可拣任何一款冷泡茶。
除咗单张所显示嘅固定款式，仲有一啲新款式或不时出现嘅期间限定，好似呢期就见到有啲芫荽汉堡、麻辣汉堡、吉列炸蚝汉堡、蓝鳕鱼柳嘅热狗，睇落甚有新鲜感，又几吸引，所以，都拣咗一款芫荽汉堡试试。
此外，人多高兴吓，可以试吓佢哋啲派对4人餐，汉堡包 x 意粉 x 薄饼 x 小食 x 饮品，选择弹性大，实价$398，都食得过。
虽然非繁忙时段，但亦见佢哋有做埋网上外卖速递，加上始终都喺即点即做，都等咗15min左右，一大袋装得齐齐整整。
返到屋企，影番张大合照先啦，两个餐，刚好小食试到薯条及蒜蓉包，而饮品，小弟向来唔健康，梗喺要汽水啦，老婆讲健康，就要冷泡茶。
薯条、蒜蓉包虽然由店家拎到返屋企都喺十多分钟，但薯条始终喺即炸即食，拎到返去难免差咗少少，不过，除有茄酱，仲附送黑松露酱，自然提升番啲薯条味道，而蒜蓉包就烘到好似多士咁，较干身而脆卜卜，兼好劲嘅蒜香。
人气素牛肉汉堡 $98都唔使多问，老婆一定喺拣素牛肉汉堡，其实，之前都曾经试过「未来牛肉」呢种素牛肉，质感、味道都好像真，所以，对素牛肉都好有信心。虽然，晌餐牌上都未有提及喺用边一款素牛肉，但食落真喺几唔错，质感好松软多汁，真喺有种食肉嘅感觉，加上块素牛肉都几厚身，仲有配上烧菠萝、芝士，味道丰富。
芫荽天妇罗豚肉汉堡 $68初睇个名，以为将啲豚肉做成天妇罗夹晌中间，真喺谂多咗，其实喺啲芫荽做成天妇罗，再夹上豚肉汉堡扒，配上一个芫荽酱汁嘅组合。虽然喺贪得意拣嚟试，但估唔到效果比预期中夹㖞，当然，大前题喺你唔抗拒芫荽，炸咗之后有啲脆脆哋，而块豚肉汉堡扒好松化，佢哋啲包又好松熟。
蜜瓜梳打、玄米绿茶蜜瓜味嘅嘢饮一向冷门少少，小弟都甚少拣，今次纯粹贪得意，蜜瓜味梳打感觉一般般啦，除非你本身好钟意蜜瓜味；反而支玄米绿茶感觉几唔错，淡淡茶香，颇清新。
整体食物质素都唔错，加$10转套餐都好抵，我个芫荽天妇罗豚肉汉堡亦有惊喜，喺个人气素牛肉汉堡个人觉得有少少贵，不过，有食过素嘅人都知，素食其实贵过一般嘅嘢食。
张贴
