粥麵皇 (已結業)

有同事成日話粥麵皇d野好食,尤其冬菇、鵝腸、今日我地舉足去食。四人等左15分鐘左右。我地叫左三個雙拼粥、一個蝦籽撈麵、腸粉、酥炸雲吞。-腸粉─全靠混醬味道好味。一定要襯熱食,有幾件放涼左,變得好硬。-酥炸雲吞─喜出望外!首先熱,所以脆!跟住係用真雲吞皮(絕非酒樓的炸春卷皮雲吞),所以有咸酥香,每隻包更了一隻蝦!一碟大大小小,共有七八隻雲吞,正!我的-冬菇鯪魚球粥─冬菇好大好厚!夠腍夠味,好juicy!鯪魚球唔爽,仍有少少魚腥味,不過我接受到囉。粥底無乜特別,不算好綿,較為稀身,不過食完無渴喉。我o個碗d餸,件件大大件,其實粥份量唔算多,啱啱好,所以好鍾意!有做外賣,必有encore之時!