影片
更多
2009-10-02
19 浏览
1-10-2009晚飯由阿爸拍板, 佢打趣話「國慶不如食京菜」, 但即日有乜可能 book 到「鹿記」呀; 另想 book 的大榮華又一早 full 咗, 轉戰好耐無幫襯的 MegaBox 小南國. 一行 5 人, 叫了兩款小食, 一菜, 一魚一肉, 及一客炸菜肉末配叉子燒餅 share 食.小食 #1 醉雞: 皮薄, 肉幾嫩滑, 酒味點到即止, 個汁我嫌唔夠甜, 但整體都幾好食.小食 #2 香汁鴨舌: presentation 精緻, 鴨舌鹵得入味亦夠嫩, 但我覺得 d 汁鹹咗 d, 甜一點會較好.雪菜毛豆百頁: 被之前的巨型發記芒果沙冰塞飽了, 呢碟菜成了我的主食 -_-" 百頁煙韌有嚼勁, 清淡中帶點雪菜的鹹鹹爽爽, 及毛豆的粉粉青青, 好對胃口!(無骨)香酥鴨: 炸得脆口, 但幾油膩, 鴨肉羶香就嚴重唔夠, 認真麻麻; 放到薄餅上, 再落點烤鴨醬, 京蔥及青瓜, 帶點辛辣口感又爽脆, 就當然好食得多. 不過比起京式片皮鴨, 我都係鍾意後者多 d...椒鹽小黃魚 (一人一條): 炸至金黃色, 唔油唔膩, 外十分香脆, 魚肉就好嫩滑新鮮, 呢個好好食! 食完條魚已
晚飯由阿爸拍板, 佢打趣話「國慶不如食京菜」, 但即日有乜可能 book 到「鹿記」呀; 另想 book 的大榮華又一早 full 咗, 轉戰好耐無幫襯的 MegaBox 小南國. 一行 5 人, 叫了兩款小食, 一菜, 一魚一肉, 及一客炸菜肉末配叉子燒餅 share 食.
小食 #1 醉雞: 皮薄, 肉幾嫩滑, 酒味點到即止, 個汁我嫌唔夠甜, 但整體都幾好食.
小食 #2 香汁鴨舌: presentation 精緻, 鴨舌鹵得入味亦夠嫩, 但我覺得 d 汁鹹咗 d, 甜一點會較好.
雪菜毛豆百頁: 被之前的巨型發記芒果沙冰塞飽了, 呢碟菜成了我的主食 -_-" 百頁煙韌有嚼勁, 清淡中帶點雪菜的鹹鹹爽爽, 及毛豆的粉粉青青, 好對胃口!
(無骨)香酥鴨: 炸得脆口, 但幾油膩, 鴨肉羶香就嚴重唔夠, 認真麻麻; 放到薄餅上, 再落點烤鴨醬, 京蔥及青瓜, 帶點辛辣口感又爽脆, 就當然好食得多. 不過比起京式片皮鴨, 我都係鍾意後者多 d...
椒鹽小黃魚 (一人一條): 炸至金黃色, 唔油唔膩, 外十分香脆, 魚肉就好嫩滑新鮮, 呢個好好食!
食完條魚已勁飽, 食唔落叉子燒餅了; 不過阿爸話「d 芝麻好香」, 相信都唔錯.
食物 ok, 環境亦乾淨好坐, 加埋頗貼心的服務, 印象不錯的一餐飯.
埋單每人約 $140, 唔貴, 嚟開呢頭的話, 都可以一試的.
张贴
