影片
更多
2021-12-06
26 浏览
一到秋冬季節，又係bbq狂魔組出動嘅時候😎前排去左大尾篤燒烤，等左成2個鐘先有位，坐低後又逼，隔離就係隔離枱嘅燒烤爐，左邊一個爐，右邊一個爐，咪話唔熱🤮🤮好彩，比我搵到旺角鬧市中有露天地方燒烤，再唔洗同人逼，同比人燒了🙈首先，講下地點、環境同時間先～餐廳地點位於福泰大廈12樓，即係商務書局個頭，真係行完街拎住一大袋野，沖上去食就得😂而餐廳環境，相比起大尾篤個啲大型燒烤場，呢度真係舒服好多☺️十分適合幾個知心好友或數十人嘅朋友群一齊黎傾下心事、chill下👍🏻提提先，呢間餐廳要5人或以上，先接受預約，但我覺得好合理，稍後會講😏咁用餐時間就係630-11:45，無錯啊，係食足5個鐘頭多啲👍🏻接下來，就會講下重點—食物 ～師傅同我地講佢地所提供嘅食物大多數都係自己精心選購，相比起一般大型燒烤場所提供嘅蒜蓉、辣味，呢度提供5款口味，包括：日式、印度式、馬來西亞口味、中東味以及法式，聽到都「哇」左幾聲😂😂由於款式多，又樣樣都好食，今次就推薦幾款最好食嘅🤤1. 豬頸肉（日式&印度式）日式味顧名思義係比較甜嘅味道，而印度色味就有少少辣，個人偏向前者！肉質非常新鮮彈牙，醬汁痴實哂啲肉身上🤤值得一題，呢度
首先，講下地點、環境同時間先～
餐廳地點位於福泰大廈12樓，即係商務書局個頭，真係行完街拎住一大袋野，沖上去食就得😂而餐廳環境，相比起大尾篤個啲大型燒烤場，呢度真係舒服好多☺️十分適合幾個知心好友或數十人嘅朋友群一齊黎傾下心事、chill下👍🏻提提先，呢間餐廳要5人或以上，先接受預約，但我覺得好合理，稍後會講😏咁用餐時間就係630-11:45，無錯啊，係食足5個鐘頭多啲👍🏻
接下來，就會講下重點—食物 ～
師傅同我地講佢地所提供嘅食物大多數都係自己精心選購，相比起一般大型燒烤場所提供嘅蒜蓉、辣味，呢度提供5款口味，包括：日式、印度式、馬來西亞口味、中東味以及法式，聽到都「哇」左幾聲😂😂由於款式多，又樣樣都好食，今次就推薦幾款最好食嘅🤤
1. 豬頸肉（日式&印度式）
日式味顧名思義係比較甜嘅味道，而印度色味就有少少辣，個人偏向前者！肉質非常新鮮彈牙，醬汁痴實哂啲肉身上🤤值得一題，呢度嘅師傅會教大家煮豬頸肉，再幫大家剪成條狀，方便等食👍🏻
0 浏览
0 赞好
0 留言
*所有肉類丸類都獨立包裝
2. 魷魚（中東式）
平時出街食到嘅燒烤魷魚，都係乾噌噌🤮但呢度好唔同，燒完都keep到濕潤，充滿醬汁，必試👍🏻
1 浏览
0 赞好
0 留言
3. 金菇、翠玉瓜及茄子
全部蔬菜都好有水份，重點係師傅會幫你包晒所有嘅蔬菜，內裏有牛油蒜蓉，想要幾多就幾多，最後再加埋餐廳自製魔法粉，最後好似食咗四包金菇兩包翠玉瓜兩條茄子😂👍🏻
5 浏览
0 赞好
0 留言
4. 自製蜜糖牛油包
不得了，自製蜜糖牛油包，想幾多蜜糖就蜜糖牛油就牛油，唔似出面嘅燒烤鋪，要塊牛油都要錢😂同友人們總共食咗10幾塊包👍🏻
1 浏览
0 赞好
0 留言
其他肉都相當唔錯，如牛扒、雞扒、豬扒同羊架等（羊架都有🙈，有時會覺得餐廳會唔會蝕😂）友人對腸仔都有極高嘅評價，我相信係因為餐廳所提供嘅「蜜糖」🤤🤤超市買嘅蜜糖，我哋燒烤就食得多，但餐廳所提供嘅非一般蜜糖，就真係好似啱啱喺蜜蜂竇度提取出嚟，唔會死甜死甜的，質地結實👍🏻👍🏻再者，一定要讚一讚餐廳自製嘅魔法粉，問過師傅，魔法粉內有辣粉、孜然粉、糖鹽等等嘅調味粉，再按照特製配方，搞到我同朋友們都想買一支返去😂😂
2 浏览
0 赞好
0 留言
2 浏览
0 赞好
0 留言
最後，要高度讚賞餐廳職員嘅服務，相比起大型燒烤場嘅職員帶到你入位，同埋預先透好個爐，然後就一枝箭走咗🙈呢度嘅職員師傅會幫你燒之外（當然唔會全程燒，都會比番空間比客人傾計😂），亦都會幫你包埋所有嘅蔬菜類，例如金菇、茄子及翠玉瓜，仲教學點樣燒靚啲肉，真係未係燒烤場見過咁好嘅服務👍🏻
講埋個價錢，星期一至四268免加一，星期五至日298，都係免加一，野飲任飲，貴唔貴就見仁見智，但我只可以話，呢度嘅食物質素同服務質素絕對值呢個價錢以上，食得開心最重要🤤🤤👍🏻
*仲有無糖綠茶🍵但比我地拎哂，師傅都好快refill番
张贴
