影片
更多
2021-05-15
4236 浏览
2021年05月15日(六) 今日帶隊一行四人來2+2 Café品嘗「味遊國際」海鮮自助午餐，原價$368，在官網買咗一張四位用自助午餐券$990包紅或白酒一支，早買多折扣，超級抵，可能因為母親節關係隔咗幾日官網價格調升咗，要$13XX/4位用。準時中午12:00才可進入餐廳，由中午12:00食到2:30pm，我哋不知不覺咁傾得計傾到2:35pm職員都沒有趕我哋走，我哋都自動離場。當日嘅服務員都很好幫我地拍照、不斷執碟、執枱，態度良好又殷勤。我哋選擇咗紅酒，紅酒味道不錯，易入口。第一時間去攞生蠔，生蠔脹卜卜新鮮美味，不得不讚，今餐生蠔真係好靚，第一次食到成10隻。刺身品種有四款，只記得有三文魚及吞拿魚，新鮮好吃。有長腳蟹、麵包蟹、凍蝦、青口，長腳蟹鮮甜美味我都少有地食咗六條腿。麵包蟹蓋一出就俾人搶曬，今餐嘅食客好多都冇品德服務員一攞麵包蟹蓋出來，立即被過碟，一個人已經攞咗九成排佢後面果一位就好彩啲，可以攞到一件，即係半個蟹蓋。黑松露蘑菇湯，好足料，好好味，飲咗兩碗。基本上沙律菜、冷盤冇乜人攞。熱食方面一般般啦，試吓味。整體來講食物選擇不多，不過值得一讚係生蠔、長腳蟹、麵包蟹、刺身真係好
今日帶隊一行四人來2+2 Café品嘗「味遊國際」海鮮自助午餐，原價$368，在官網買咗一張四位用自助午餐券$990包紅或白酒一支，早買多折扣，超級抵，可能因為母親節關係隔咗幾日官網價格調升咗，要$13XX/4位用。
準時中午12:00才可進入餐廳，由中午12:00食到2:30pm，我哋不知不覺咁傾得計傾到2:35pm職員都沒有趕我哋走，我哋都自動離場。
當日嘅服務員都很好幫我地拍照、不斷執碟、執枱，態度良好又殷勤。
我哋選擇咗紅酒，紅酒味道不錯，易入口。
第一時間去攞生蠔，生蠔脹卜卜新鮮美味，不得不讚，今餐生蠔真係好靚，第一次食到成10隻。
刺身品種有四款，只記得有三文魚及吞拿魚，新鮮好吃。
有長腳蟹、麵包蟹、凍蝦、青口，長腳蟹鮮甜美味我都少有地食咗六條腿。
麵包蟹蓋一出就俾人搶曬，今餐嘅食客好多都冇品德服務員一攞麵包蟹蓋出來，立即被過碟，一個人已經攞咗九成排佢後面果一位就好彩啲，可以攞到一件，即係半個蟹蓋。
黑松露蘑菇湯，好足料，好好味，飲咗兩碗。
基本上沙律菜、冷盤冇乜人攞。
熱食方面一般般啦，試吓味。
整體來講食物選擇不多，不過值得一讚係生蠔、長腳蟹、麵包蟹、刺身真係好新鮮，黑松露蘑菇湯又好好飲，食埋甜品有Movenpick 雪糕、窩夫、各類蛋糕仔及生果，乜都飽啦，所以佢熱食選擇少都冇影響，因為都彌補到。
飲品自助區有咖啡機，飲咗兩杯齋啡，檸檬片、茶、熱水、冰水，都非常齊全，所有食物補充都好快。
张贴
