影片
更多
2022-08-15
1395 浏览
踏入生日月, 又開始展開一連串飯局, 好姊妹特意book咗呢間位於銅鑼灣新晉大廈Super+「宮崎肉本鋪」為我慶祝生日。餐廳主打半放題式, 價錢由$598起至$998, 相比平時食開嘅放題, 價錢確係偏高, 但當食物上檯, 同好姊妹異口同聲講: 確係物超所值!「宮崎肉本鋪」係日本九州首家海外分店, 獨家原隻購入曾多次得獎嘅九州「桜花牛」, 係呢度可以品嚐到A5和牛燒肉, 同時食到桜花牛嘅稀有部位, 而任食款式亦係100%日本時令食材, 稱得上超高質!今晚我地揀咗「九州A5和牛西冷特上套餐」HK$698/位套餐包含一次性嘅九州A5和牛部位拼盤, 有九款咁多! 至於無限追加有黑豚、雞、日本海產、野菜、小食、沙律、主食、甜品、飲品, 同埋每日限量三款A5和牛內臟等等…超過60款任飲任食。餐廳內近窗邊位置設特大玻璃, 可以望到維園一帶景色, 開揚景緻令胃口都大增。餐廳另一邊為和風設計嘅座位, 打卡一流。而我地就被安排到窗邊兼私隱度較高位置, 可以自成一角, 環境氣氛遠比坊間大多放題嘅餐廳。入座起計限時120分鐘, 自行scan QR code落單, 食物上得快, 而且整晚冇漏單。九州A5和牛部
「宮崎肉本鋪」係日本九州首家海外分店, 獨家原隻購入曾多次得獎嘅九州「桜花牛」, 係呢度可以品嚐到A5和牛燒肉, 同時食到桜花牛嘅稀有部位, 而任食款式亦係100%日本時令食材, 稱得上超高質!
今晚我地揀咗「九州A5和牛西冷特上套餐」HK$698/位
套餐包含一次性嘅九州A5和牛部位拼盤, 有九款咁多! 至於無限追加有黑豚、雞、日本海產、野菜、小食、沙律、主食、甜品、飲品, 同埋每日限量三款A5和牛內臟等等…超過60款任飲任食。
餐廳內近窗邊位置設特大玻璃, 可以望到維園一帶景色, 開揚景緻令胃口都大增。餐廳另一邊為和風設計嘅座位, 打卡一流。而我地就被安排到窗邊兼私隱度較高位置, 可以自成一角, 環境氣氛遠比坊間大多放題嘅餐廳。
入座起計限時120分鐘, 自行scan QR code落單, 食物上得快, 而且整晚冇漏單。
九州A5和牛部位拼盤
單睇賣相已知質素極高, 每款牛脂如雲石級分佈, 油花細膩, 毫無雪氣。
93 浏览
2 赞好
0 留言
待應慷慨協助下, 根據唔同牛脂分佈, 逐一分先後次序燒比我地食, 同時亦逐一介紹點邊款汁醬食為最佳配搭。
出奇地平時食開某一d部位, 通常都比較鞋口, 但今晚食嘅印象中每款都係無可挑剔。
由油花分佈嘅開始食起,
外後腿肉>內後腿肉>五花腩>肩里机>肩口肉>西冷>肉眼>和尚頭>牛肋肉
同時食到外內後腿肉, 細味內側相對滑一點, 軟嫩一點。
五花腩肉質軟綿, 容易咬開;
不得不提就係稀有部位嘅和尚頭, 脂肪較少, 但肉味香濃, 特別每咀嚼時, 鮮肉味滲出, 正!
而最後嘅牛肋肉, 油脂非常豐富, 烤後迫出部份油脂, 入口鮮嫩, 沾少少鹽食更食出甘香油脂同肉味。
任食款式質素亦超出預期!
每日限量三款A5和牛內臟, 當晚有牛腸、牛肝、牛尾
牛腸腸壁薄, 特意附有脂肪, 微脆香口。
至於牛肝味道帶甘, 唔係平時食開鞋口感嘅肝臟。
海鮮方面就有烤物同埋天婦羅蝦,
其中最值得encore一定係蟹味噌甲羅燒!
鮮味回甘嘅蟹膏配上脆卜卜米餅, 甘香可口, 坊間食甲羅燒都唔平, 呢度列入任食系列, 驚喜易回本啊!
24 浏览
2 赞好
0 留言
日本魷魚: 撈咗辣辣地嘅醬汁, 惹味爽口。
帆立貝有兩款口味
櫻花蝦蛋黃醬、白汁芝士: 兩款調味令帆立貝味道更為出色, 濃郁惹味。
天婦羅拼盤中, 特別要求下點了天婦羅蝦,
天婦羅皮鬆脆不油, 入面隻蝦仲幾爽。
雞腎原粒開邊, 口感爽而不硬
雞皮: 平時食串燒食得多, 烤過嘅雞皮口感原來有分別, 雞皮粒粒質感更為突出, 不過稍為油膩咗d。
沙律中就試咗---冷豆腐海老沙律, 豆腐好滑, 配上鮮汁, 感覺清新。
日本粟米:
錫箔中加入咗牛油, 可以整個放上爐燒, 令牛油滲入粟米之間; 但店員亦建議生食, 超清甜多汁。
眼闊肚窄, 熟食只食得落一款: 自家製九州和牛黑松露餃子
皮薄, 餡料塞滿和牛肉, 牛味濃郁, 反而唔太食得出松露味。
飲品除了汽水, 另有特飲, 青蘋果乳酸梳打 亦不錯。
至於甜品方面, 均為日本直送。
柚子雪糕有如雪葩質感, 入口即溶, 柚子味濃郁, 正好消下濟。
自家制3.6特濃牛乳奶凍: 超滑口感, 牛乳特濃。
就連雲呢拿雪糕都係日本貨!
超高質嘅任食質素, 坊間確實少見, 環境、食物質素超出預期, 一個字: 正
张贴
