La Terrasse by ÉPURE (已結業)

離開觀塘工廈區進駐尖咀返工，搵個好地方happy hour再不是夢！最近就得新同事指點迷津，帶我嚟到呢個秘密花園摸下杯底、鬆一鬆！坐低先發覺⋯個名咁熟嘅？原來之前聽朋友講過EPURE fine dining嘅食物、環境等質素都好好，所以都好想試試，咁我今次就試咗飲嘢先啦！先講講環境，穿過商場入到嚟真係好似去咗另一個世界！入夜後燈飾好有情調，而坐椅非常寬敞舒適，且每枱之間相距甚遠，同朋友暢所欲言都唔怕隔牆有耳，對住海景吹風+吹水，人生一樂也！當日想飲啲比較fresh、又唔好太「啃」嘅酒精，侍應就推介咗呢杯荔枝味嘅cocktail 俾我，味道的確好清新，易入口之餘又唔會話無酒味、幾啱女仔飲，果然無介紹錯！黎明唔空肚食早餐，我就唔得空肚飲酒，就點了客三文治，估唔到又幾有水準，尤其係沙律蔬菜好新鮮，認真唔錯！今次happy hour的確幾「合皮」，要快啲試埋室內fine dining先得！