去滾 (裝修中)

今次同朋友黎到銅鑼灣「去滾」打邊爐，餐廳有好多港式搞笑菜式名稱，真係未食野都已經笑鬼死🤣 而環境就用咗大量霓虹光管同舊港式擺設，超多打卡位置。值得回來～🥢浪漫鴛鴦二人餐 (勝在樣樣都試到～)- 鴛鴦鍋底嘅沙嗲湯，小辣夠惹味，入面仲有濃郁花生味，好似茶餐廳常餐整個沙嗲做底，非常回味。 - 麻辣鮮淮山鴨血鍋，我覺得小麻小辣，做鍋底一流，最正緊係有大量結實又彈牙嘅鴨血，好味又抵食🥢肉類：- 安格斯肥牛：濃濃牛味，入口即溶- 五花腩肉片：爽口又油脂均勻🥢海鮮：九節蝦、魷魚片、花甲都夠新鮮🥢餃類 / 蔬菜類：正常發揮🥢淮山麵：煮完都唔會散開，吸晒啲湯嘅精華，估唔到咁正🥢安格斯牛柳粒（另加）：冇得輸～ 正到漏🥢金甲脆魚皮（另加）：鹹蛋黃多到成隻碗都係，魚皮超脆🥢繽紛鮮果涼粉鍋（另加）：見到隔籬枱食緊，好吸引，自己都點咗一份。一大鍋涼粉、芒果、西瓜、火龍果和椰汁，份量多但唔太甜，非常解膩