影片
更多
2009-04-15
與未婚妻慶祝生日，訂桌前先上過南洋酒店網頁睇左menu，雖然唔係buffet，又無coupon，兼無信用卡優惠，不過食完之後覺得都值。「請問幾多位?」個captain好好口，帶我地入餐廳中間梳化位，見到佢地張訂桌表，只係得我地一個booking。環境不錯，暗暗的有情調，不過jazz歌做背景就略為差d，無聲電視播緊有線體育台，完成無睇過。「請問想食d咩?」個menu做緊石頭燒精選餐，如果唔食就一係食pasta或者三文魚扒。叫左2份紐西蘭肉眼石頭燒。之後就開餐啦......1. 自助沙津吧︰冷盤有煙三文魚、熟蝦、大大隻青口。各式水果、各國特色沙津、蔬菜、黑椒火腿片、鴨胸片。食左幾round，haha，好抵。2. 是日餐湯︰南瓜湯、仲有個中湯唔記得，自己出手，飲幾多拿幾多，面包都可以自己烘熱。夠熱，好好飲。3. 「請問兩位上得主菜未?」食材其實已經預備好，captain見食左咁上下先走埋黎問上菜，服務好好。於是個廚師哥哥就推住架餐車出黎，captain先叫大家著圍裙，廚師就拿出2碟新鮮肉眼扒說︰「呢2份就係2位既肉眼扒」，份量約為8oz。擺好份牛油、汁醬、薯菜，就端出2座石頭，廚師先幫我地夾
「請問幾多位?」個captain好好口，帶我地入餐廳中間梳化位，見到佢地張訂桌表，只係得我地一個booking。環境不錯，暗暗的有情調，不過jazz歌做背景就略為差d，無聲電視播緊有線體育台，完成無睇過。
「請問想食d咩?」個menu做緊石頭燒精選餐，如果唔食就一係食pasta或者三文魚扒。叫左2份紐西蘭肉眼石頭燒。之後就開餐啦......
1. 自助沙津吧︰冷盤有煙三文魚、熟蝦、大大隻青口。各式水果、各國特色沙津、蔬菜、黑椒火腿片、鴨胸片。食左幾round，haha，好抵。
2. 是日餐湯︰南瓜湯、仲有個中湯唔記得，自己出手，飲幾多拿幾多，面包都可以自己烘熱。夠熱，好好飲。
3. 「請問兩位上得主菜未?」食材其實已經預備好，captain見食左咁上下先走埋黎問上菜，服務好好。於是個廚師哥哥就推住架餐車出黎，captain先叫大家著圍裙，廚師就拿出2碟新鮮肉眼扒說︰「呢2份就係2位既肉眼扒」，份量約為8oz。擺好份牛油、汁醬、薯菜，就端出2座石頭，廚師先幫我地夾塊肉落去，ja ja聲，好正，然後就好細心咁教我地點煮，幾時翻轉，仲拿出紅外線溫度計︰「舊石200幾度，請小心唔好掂到。」captain問我地要幾成熟，提示幾時可以翻，仲幫我地磨胡椒、落鹽調味，最重要佢識得幫我未婚妻先，lady first，服務好好。煮好左就上碟，佢地就收埋舊石。
4. 好飽，不過都要食甜品，款式當然無咁出面大型酒店咁多，不過都唔錯，細細件，有cake，有mousse，有pudding，有puff。
5. tea or coffee，檸檬同奶分開上，自己加，杯coffee雖然細杯，不過都幾滑，諗諗下有d似nescafe home cafe。
6. 埋單，captain係我身邊打開張單，唔會讀個銀碼出黎，唔知係唔係唔想俾女士知呢，haha。簽單時captain會行開，方便寫上tips總數，唔尷尬。
7. 臨走時佢會叫你填張意見表，見佢咁好，打高d分。而且我地今晚「包場」，因為由入場到走人場都無其他客walk-in，真係未試過食飯食到咁無壓力，hahaha。
张贴
