餐廳內外
位置唔算位於市中心，但都唔難搵，招牌係光線十分充足既燈牌，十分顯眼，內裡座位亦寬敞。
食物選擇
清一式主打係麻辣刀削麵，如果你唔食得辣都可以揀少辣/走辣亦有小食。
惹味燻魚 $20
燻魚係上海菜式，係一道比較考功夫既小食，炸完再沾上醬汁。係冷盤小食，醬汁以老抽為主燻魚上色，食落微甜，配上炸過既外層，魚肉正常，抵食小食。
麻辣牛筋腩刀削麵 $47
揀左中辣，牛筋腩既份量好多，本身湯已經係腩汁湯底，上枱前店員會再加蒜蓉、辣汁落去湯底偏重腩汁味，鹹左少少同唔覺辣，刀削麵因爲係由機削，所以每條粗幼度保持一樣，就做得平均，湯麵都掛汁，口感煙韌彈牙，牛筋腩索到汁，味道正常，筋位膠原足。
麻辣金沙腩排刀削麵 $46
份量就比較少，得三件，友人唔太食得辣就揀左少辣，金沙腩排本身有醃過，不過肉質偏乾偏韌，比較遜色，可能揀金沙骨會好啲。
凍豆漿 +$7(跟餐)
配左凍豆漿，唔太甜，配食麵食爽~~~
小店經營既一間山西刀削麵館，麵質可以，湯底就有待再改善，希望下次光臨有所進步。
