點茶公館 (已結業)

放自己一日假期，約咗好友去南豐紗廠行下，漫無目的地行到一樓，發現開咗一間「點茶公館」，見到餐廳牆上面貼上飛行棋的圖案，而看到餐牌上是很多中式點心，好有玩味，就同好友進內食午餐。我哋點咗：金魚餃、飛機流沙包、話梅脆淮山、BB鴿、魚香炸茄子條、酸菜牛肉泡飯金魚餃：外型幾可愛，有蝦肉、馬蹄、芫荽，味道不錯，爽口。飛機流沙包：超喜歡，除咗流沙包外型趣緻，流沙餡都好好味，極多流心，奶黃味道好濃，大大推介。話梅脆淮山：好友好鍾意食淮山，佢話呢碟淮山配咗香甜嘅話梅汁，好特別。BB鴿：超正，熱辣辣，好香口，食到唔停口。魚香炸茄子條：帶點麻辣味，炸得非常香口，肉碎沾上茄子，又係食到想再叫多一碟，推介。酸菜牛肉泡飯：呢個泡飯還配上脆米，侍應奉上泡飯時，幫我哋倒入熱湯，再倒入脆米，卜卜聲，酸菜同牛肉好夾，泡飯好暖胃，推介。