Whatever Bar & Restaurant (已結業)

呢間Bar and Restaurant 就係海港城附近，約朋友食飯都好方便😎有幾隻Bearbrick又有村上隆花花做裝飾，睇黎店主都幾識貨，鐘意啲潮野😎仲有個好正既「人間煙火」霓虹燈做下打卡位🤣🔸燒烤醬烤豬肋骨配炸洋蔥圈🐷🍖豬肋骨都幾大份，我哋兩個人每人食左6、7條骨，燒烤醬都幾入味，好香！不過肉質有少少乾。炸洋蔥圈無得輸，點沙律醬食，正😛🔸四重芝士披蕯🍕芝士愛好者、重口味必點的Pizza，四款芝士，每一啖都食到芝士，味道超級濃郁。薄身餅底，好香脆，食完都無好溜好濟既感覺。🔸熱香餅配焦糖香蕉🥞🍌Pancake屬於比較厚實個種，有蛋香味，點左紅苺醬、焦糖醬同邪惡既忌廉幾好食😋😚Lunch time揀左兩杯無酒精嘅Mocktail飲下🍹揀左兩杯都好好飲😍🔸Winter🍹淺粉紅色既飲品好靚😍有熱情果、石榴汁、牛奶、乳酪，飲起上嚟似飲緊乳酪，有啲熱情果肉咬下👍🏻🔸Summer 🍸有青瓜、菠蘿汁、青檸汁同梳打，好清新，夏天飲好爽，好啱食完啲咁Heavy嘅嘢飲😆