影片
更多
2020-01-12
2320 浏览
有時真係會懷念下細細個MK仔既年代，可以毫無負擔束縛行路大搖大擺。年代唔同左，人又成長左，係社會浮浮沉沉一段時間，你再會發覺一日既時間對你黎講已經唔夠用。放假只係想係屋企Hea過，但唔可以再比藉口自己懶呀！出面仲有好多地方等緊你去chill。好似今日黎到銅鑼灣呢間新開既Cafe「Plaunk」，約埋個friend食返個靚brunch，打返幾個靚卡，充實人生，就係咁簡單！👇📌Sous Vide Egg Benedict - $98👉食Brunch一定要嗌Egg Benedict最重要呀，唔需要好複雜既食材，配合有心思既擺盤足以令一眾港女相機食先。英式鬆餅做底，面頭擺放火腿、水波蛋，再配搭埋荷蘭蛋黃醬，將成個味道帶出。最重要旁邊加返沙律菜做伴碟，整體賣相相當靚仔，唔錯。📌Hawaiian Bikini - $78👉聽到個名都感覺火辣辣呀，其實係由經烘底既英式三文治做底，然後夾埋芝士火腿係裡面，份量十足。但要大讚既係，餐廳好巧妙咁將芒果果醬同埋菠蘿夾雜埋一齊，中和返火腿本身既鹹鮮味，令成個味道既層次更豐富，賣相的確好有夏威夷風情！📌Plaunk's Banana Waffle - $88👉淨
係社會浮浮沉沉一段時間，你再會發覺一日既時間對你黎講已經唔夠用。放假只係想係屋企Hea過，
但唔可以再比藉口自己懶呀！出面仲有好多地方等緊你去chill。好似今日黎到銅鑼灣呢間新開既
Cafe「Plaunk」，約埋個friend食返個靚brunch，打返幾個靚卡，充實人生，就係咁簡單！👇
📌Sous Vide Egg Benedict - $98
👉食Brunch一定要嗌Egg Benedict最重要呀，唔需要好複雜既食材，配合有心思既擺盤足以令一眾港女相機食先。
英式鬆餅做底，面頭擺放火腿、水波蛋，再配搭埋荷蘭蛋黃醬，將成個味道帶出。
最重要旁邊加返沙律菜做伴碟，整體賣相相當靚仔，唔錯。
📌Hawaiian Bikini - $78
👉聽到個名都感覺火辣辣呀，其實係由經烘底既英式三文治做底，然後夾埋芝士火腿係裡面，
份量十足。但要大讚既係，餐廳好巧妙咁將芒果果醬同埋菠蘿夾雜埋一齊，中和返火腿本身既鹹鮮味，
令成個味道既層次更豐富，賣相的確好有夏威夷風情！
📌Plaunk's Banana Waffle - $88
👉淨係睇到個樣都覺得好食呀，首先兩條原隻香蕉經焦糖化後，薄薄一層口感岩岩好，香甜脆口。
窩夫亦唔錯，食落相對香脆，好似咬緊薯片咁好crumble，好易就切得開。
加埋雲呢拿雪糕就完美咁將成個口感變得更加滿足，果然係甜品之霸呀！
📌Coffee -
▪ Dirty - $30
▫ 鍾意飲Dirty既原因係貪佢個咖啡既層次好分明，先將Espresso做底，面頭再加凍奶，
睇落好似將水同油分隔開咁。兩種顏色河水不犯井水，但慢慢又會隨時間逐漸和好，
變成漸變色，最後會化為一體，過程好有意境。飲落咖啡味濃，咖啡師亦顯得有功架，
將鮮奶撞得好均勻，口感順滑，飲得過。
📌Smoothie -
▪ Crab-U Berry Me? - $62
▫ Smoothie亦都係我去Cafe必點之一，好鍾意佢個質感，最好就係可以揀d比較健康既食材，例如係雜莓、
牛油果或者芒果呢d高營養價值。不過今次揀左呢個Cranberry，亦都唔錯，蔓越莓本身已經有佢既甜味，
出面飲過好多都會加太多糖漿，又會好水稀稀。但呢到做得好好，鮮甜幼滑，啖啖都飲到果種質感，抵讚！
📌Tea -
▪ Shaken Iced Black Tea - $46
▪ Shaken Iced Fruit of Forest Tea - $46
▫ 由Barista親自即叫即製，係你面前Shake比你睇既兩款經典手搖果茶，前者為比較深色少少既紅茶底，
配搭士多啤梨同Lemonade結合，口感冰涼爽口，唔錯；後者加左蜜糖，飲落唔會太甜，反而更加清新，
果香味比較出，我幾鍾意呢杯。
📌House Cocktails -
▪ Plaunk - $120
▫ 招牌Cocktail我個人重點推介呢杯，由黑麥、檸檬汁、紅莓汁、伯爵茶混合而成，用Margarita Glass盛載。
簡潔、高貴既外形，實則飲落相當易入口，非常適合一眾女神打卡必需既神器之一！
张贴
