好兩極，有D人未必會欣賞，會完全掂都唔掂，
但有D人極度狂熱，鍾意既會情不自禁，難以抗拒。
尤其對住川式麻辣，我真係無辦法控制。👇🏻
📌招 牌 必 點 -
▪️ 膠 原 脆 皮 豬 手 - $128
▫️ 第一道菜必試人氣推介「膠原脆皮豬手」，聽staff講呢樣
絕對係功夫菜之一，事關工序繁複，又要先蒸後炸再調味，極花時間。
外層炸到脆卜卜，裡面肉質相當嫩滑，而且滿滿既骨膠原，
真係好滿足，連埋d辣油真係過足口癮。
📌蔬 菜 之 選 -
▪️ 大 碗 花 菜 - $82
▫️ 要將辣汁發揮到極緻，點可能無返個「大碗花菜」呢？
椰菜花吸收哂辣汁精華，份外濃香；而旁邊仲有D辣椒乾，
加埋炸過既五花腩，送兩碗飯都仲得。
📌地 方 江 湖 菜 -
▪️ 流 沙 香 辣 雞 脆 骨 - $128
▫️ 以干鍋形式既「流沙香辣雞脆骨」亦有驚喜，用鐵鍋賣相一流，
雞脆骨啖啖爽口，而且用花椒爆炒過，夠哂鑊氣；
而亮點之一就係個炸湯圓，面頭湯圓皮經油炸過，口感煙煙韌韌，
裡面係芝麻餡，一鹹一甜估唔到係咁咁夾，呢個一定要試！
📌小 吃 甜 品 -
▪️ 熊 貓 冰 粉 - $32
1
▫️ 最後甜品又幾盞鬼，普普通通既紅糖冰粉加少少色水，
搖身一變為「熊貓冰粉」，賣相好可愛，冰粉爽滑得黎甜而不膩，唔錯。
