影片
更多
2023-09-08
13 浏览
《📍花月宮食評》by@ihungry.hk打邊爐永遠都係小編嘅最愛😽！今日小編同大家介紹一間位於尖沙咀嘅花月宮！花月宮走中式路線，除咗有多款特色湯底任君選擇😱，特別在於仲提供多款特色丸類及火鍋材料，同埋仲提供時令超新鮮嘅刺身！想知係咪真係咁正😳，咁你就千祈唔好行開啦😻！ 🔸『養生豆腐白蝸湯- $128』唔食辣嘅朋友必定要叫！呢款湯底除咗夠晒鮮甜，仲要有超多配料，包括超掛汁豆腐、鴨血、白肉等等，仲要加埋有好多養生材料，感覺真係超級養顏，重點係小編食完之後又唔會覺得頸渴，絕對係真材實料🤙🏻！🔸『美國頂級首切封門柳 - $238』話明美國頂級，小編就一定要試試係咪真係咁正👍🏻👍🏻👍🏻！封門柳即牛橫隔膜肌肉🐮，每隻牛只有一條，係好罕有㗎🙈！仲要肉質非常之靚，油脂分佈啱啱好，肉質軟腍，牛味超級濃郁，而且厚薄啱啱好，仲要份量係好多，呢個價錢食到呢個質素，絕對係物超所值👄！🔸『薄切牛舌心 - $88』整晚嘅highlight來了‼️超級鍾意食牛舌🐮小編竟然搵到隱世平價牛舌，真係超級之驚喜！薄切牛舌嘅厚度啱啱好，肉質非常鮮嫩，咬落口非常爽脆多汁，而且仲有一種入口即溶嘅感覺，超超超高CP值❤️🔥！🔸『風花
打邊爐永遠都係小編嘅最愛😽！今日小編同大家介紹一間位於尖沙咀嘅花月宮！花月宮走中式路線，除咗有多款特色湯底任君選擇😱，特別在於仲提供多款特色丸類及火鍋材料，同埋仲提供時令超新鮮嘅刺身！想知係咪真係咁正😳，咁你就千祈唔好行開啦😻！
🔸『養生豆腐白蝸湯- $128』
唔食辣嘅朋友必定要叫！呢款湯底除咗夠晒鮮甜，仲要有超多配料，包括超掛汁豆腐、鴨血、白肉等等，仲要加埋有好多養生材料，感覺真係超級養顏，重點係小編食完之後又唔會覺得頸渴，絕對係真材實料🤙🏻！
🔸『美國頂級首切封門柳 - $238』
話明美國頂級，小編就一定要試試係咪真係咁正👍🏻👍🏻👍🏻！封門柳即牛橫隔膜肌肉🐮，每隻牛只有一條，係好罕有㗎🙈！仲要肉質非常之靚，油脂分佈啱啱好，肉質軟腍，牛味超級濃郁，而且厚薄啱啱好，仲要份量係好多，呢個價錢食到呢個質素，絕對係物超所值👄！
🔸『薄切牛舌心 - $88』
整晚嘅highlight來了‼️超級鍾意食牛舌🐮小編竟然搵到隱世平價牛舌，真係超級之驚喜！薄切牛舌嘅厚度啱啱好，肉質非常鮮嫩，咬落口非常爽脆多汁，而且仲有一種入口即溶嘅感覺，超超超高CP值❤️🔥！
🔸『風花雪月餃子拼盤 - $168』
▶️包括韭菜餃、鳳城水餃、魚皮餃、鮮蝦雲吞、羊肉餃
先讚讚餃子拼盤超打卡，賣相好似宮廷菜式，超靚，絕對值得一叫！仲要每一款餃子都係好大粒，皮薄餡多，每一粒都真材實料，仲要入面內涵非常之彈牙，每一款餃子都令到小編驚喜，絕對同意普通餃子係唔一樣👍🏻👍🏻！
🔸『金磚豆腐- $48』
好少打邊爐地方有得叫唔同款式嘅小菜，而呢度就有啦！小編今次試咗金磚豆腐，豆腐炸得外脆內軟，金黃香脆，外皮絕對唔會太厚粉，亦都保持到豆腐嘅鮮嫩，估唔到連打邊爐嘅地方烹調嘅小菜都咁出色，絕對令小編意想不到❤️🔥！
🔸『出前一丁- $18』
打邊爐點會唔叫出前一丁！仲要有埋咁正嘅湯底，咁就一定要叫啦💖！
🤪iHungry肚餓指數：9/10
张贴
