籠太子點心專門店

营业中

休息中

《 得閒飲茶啦～ 》唔知點解以前細個覺得去飲茶食好耐好悶～大大下反而又會想去飲茶。🔷鮮蝦燒賣王 $14以點心燒賣黎講都算大粒，而且燒賣餡嘅豬肉同鮮蝦都好鮮甜，味道唔錯。🔷多汁小籠包 $21呢間餐廳以小籠包作為招牌，小籠包偏乾，湯汁少，而且小籠包亦有太大薑味蓋過肉餡嘅味道，有啲可惜。🔷紅油抄手 $24紅油抄手雖然用嘅係普通雲吞，但夠香而且唔會太辣，雲吞餡足料蝦又夠爽口。🔷雪山叉燒包 $20雪山叉燒包個賣相就幾好啦，但好可惜外皮唔夠脆，餡嘅味道一般，仲有啲油膩添。🔷海王芝士千絲卷 $24炸就炸得幾脆啦，但炸得黎實在太油膩啦，而且餡料偏少亦食唔出芝士味。