Mad for Garlic (已結業)

位於奧運這一間餐廳，一直都是我的至愛。本人唔係太過執着于食蒜頭味道，但係這家餐廳的西菜，每道都非常用心，每次都令我同朋友肚皮滿載而歸。店員安排卡位雅座，享用這頓晚餐。藍芝士長通粉，原隻火烤蒜頭放上面，如果口味較重的，可以加啲蒜頭，混合一起吃。但其實，我自己覺得唔需要，因為餐廳用的藍芝士，香味濃郁，配合柔軟觸感的長通粉混合一起吃，每一啖都有敦厚篤實的感覺。小小嘅一碟，已經令人有飽滿幸福嘅感覺。三重蒜香海鮮意粉，係另一種唔同嘅感覺，我會形容為返璞歸真。意粉麵條，煮得啱啱好，唔會太軟，依然保留着意粉一條一條的感覺，伴隨著的是新鮮爽口的青椒絲一起。加上三重嘅蒜香汁， 首先充滿着鼻子嗅覺，然後入口，食客味雷都會有著充分的享受。最後上碟，澳洲牛柳肉。碟子上，圍繞着一舊一舊小蒜頭，作為裝飾。上邊有一個完整嘅蒜頭，可以用叉子一個一個品嚐。而主角澳洲牛肉，切開後，中散發出醉人的肉香。牛肉內部，是柔軟、漂亮而且優雅的鮮粉紅色。這樣的牛柳，實在冇辦法挑剔。