鮨樂以竹木裝潢為主要設計🐟，清雅簡約，充滿典雅高貴嘅日式氣氛👺！而食物方面，餐牌都幾豐富，有齊新鮮刺身、精緻壽司、鐵板燒、天婦羅等等，全部新鮮直送，無論食材、廚藝、服務同氣氛，都已到最高水平🥳！
🔸『前菜 - FREE』
▶️日式生菜沙律 - 青翠欲滴嘅新鮮蔬菜，配埋香濃芝麻汁，開胃清新😍。
▶️麵豉湯 - 熱烘烘嘅湯底鮮甜夠味，麵豉香氣撲鼻🔥！
▶️茶碗蒸 - 蒸氣繚繞，蒸蛋軟滑柔嫩，清雅可口👍！
🔸『極上海膽刺身丼 - $208』
極上海膽刺身丼包括海膽、三文魚籽、帆立貝、𩶘魚等等魚生，魚生厚刺又肥美，新鮮彈牙👍👍👍！
🔸『江戶前丼 - $128』
江戶前天丼份量相當有誠意，裡面包括本鮪、時令白身魚和赤蝦等新鮮食材🐟，唔使任何調味，魚生完美展現食材天然之原味鮮甜，更享受到由師傅呢份巧手設計嘅高級江戶前體驗！
🔸『9貫特選壽司御膳 - $128』
9貫特選壽司御膳包括墨魚、帆立貝、熟蝦、三文魚、玉子、太卷壽司等等！由師傅精挑細選9款上等壽司，每件都係絕品！
🤪iHungry肚餓指數：8.6/10
