力奇四季火鍋 (已結業)

細個時已經比屋企人帶過黎食.印象係大大鍋豬骨鍋底.如果兩個人黎基本上都叫唔到其他配料咁利！今日就約埋幾個朋友黎到力奇，先點個豬骨鍋.鍋入面查身有豬骨、豬筒骨、雞腳、蘿卜、南瓜、粟米及芹菜等等….豬骨、雞腳煮到好林、蘿卜南瓜煲到入哂味！粟米超甜..要額外再叫一碟！另外仲點左以下配料肥牛搭到成座山咁，油脂唔多但入口唔鞋桂花蚌新鮮爽口又彈牙..好正！自家製雲吞水餃包到大大粒、中間隻蝦都唔細架！鍾意入面有好多木耳呀！響鈴吸收哂啲豬骨濃湯，入口即化！新鮮鱔片及脆骨腩非常脆口彈牙！最後點埋西洋菜、生菜及唐蒿菜、南瓜等等..真係食到個個都捧住個肚走….哈哈提提大家呢度叫野係係冇價錢同埋真係超大碟..想食多啲款可要求雙拼呀！飲品都係啤酒汽水以及自家製飲品等等！