丸亀製麵 (綠楊坊) (已結業)

去過四國旅行嘅朋友都知道最出名嘅就係烏冬，今日去咗荃灣行街見到呢間烏冬店，仲要係冇乜人排隊就即時衝入去食烏冬啦，入到去嗌咗碗日式燒豚烏冬，再加咗兩串雞同埋魚，烏冬爽口彈牙，燒豚炆得好淋好入味，呢種味道就係我喺四國食過嘅味道，太好食喇，而果兩串雞同埋魚就冇乜特別驚喜，同埋唔夠熱，建議嗌嘅時候叫佢翻熱應該會好食好多。你間店服務態度好好整體都好滿意，會再去食。