養心殿台式養生鍋 (已結業)

天氣開始凍，又係打邊爐嘅好時間朋友見豬仔上次養心殿食得好滋味，所以兩個決定去會一會馬鞍山分店兩個人去到we go mall，一上2樓就會見到大大既養心殿店面，簡單易搵坐位好闊舒舒服服之後黎到最緊要嘅揀湯底環節，我地想嘗試唔同嘅味道，所以揀咗鴛鴦鍋。美人鍋同秘製薑母鴨鍋一上到黎，份量好足，湯底已經好多野食首先，美人鍋真心大讚，最啱晒貪靚嘅我哋。湯帶裏面有大量嘅桃膠，烏雞煲完湯都仲好滑。豬仔係桃膠迷，甜食桃膠就食得多，但係原來配埋呢個滋味美人鍋，心心眼秘製薑母鴨鍋都好高質。湯底有冬筍，馬蹄，凍豆腐仲有鴨肉，配上隨湯醬汁嘅腐乳醬，又香又濃。因為湯底已經好多野食，我哋火鍋料再叫咗半份手切牛肉、 雜錦蔬菜盤，寬粉條手切牛肉油脂分怖好好，我地擺喺薑母鴨鍋淥幾秒，之後唔使用加任何醬汁，就食到最香濃嘅牛味（ 因為鴨湯本身好夠味）雜錦蔬菜盤，有粟米，沙律菜，鮮冬菇，秀珍菇，仲有秋葵，種類好多而寬粉條分量都好足，配埋美人湯，qq滑滑，停唔到口而服務態度好好，因為我地大愛湯底，所以不停當水咁飲湯底，而職員當晚好熱心，不用叫都主動加左三次湯養心殿，絕對有下次