和順記 (路德圍) (已結業)

雞髀愛好者由九龍食到去新界啦😚😚荃灣近排開咗間神級雞髀🍗店😍😍晚上七點全店滿座啦🥺以生炸雞髀為主打的和順記，所以今次嗌咗炸雞髀同滷水雞髀，真係唔係講笑，大過我塊面😜雞髀生炸皮脆肉嫩，真係名不虛傳，雞髀係炸得好好，外層香脆，超巨大雞髀真係不得之了，雞髀是美國急凍貨，再用上用菠蘿、檸檬、番茄等醃制，所以肉汁特別鮮甜，而且會隻雞髀都係即叫即整🥰而神級滷水雞髀同樣冇令我失望，滷水汁完全深入雞髀，令每啖雞肉都充滿滷水汁味道🤩兄弟醬炆豬手飯，炆到軟腍腍既豬手充滿左骨膠原，食完好黏口，正呀😋兄弟醬味道小小甜加埋豬手好醒胃，仲有啲腩肉，肥瘦適中，加埋味道較香既珍珠米，食完真係大滿足呀！薑汁藥膳豬潤麵，藥膳味夠香夠出， 飲左啖之後成個人即刻暖笠笠😚，豬潤唔會好老，而佢既麵好有驚喜，好有口感，吸收埋藥膳湯，真係頂呱呱呀！蕃茄湯豬扒蛋烏冬，蕃茄湯好香甜，夠哂濃，用鮮茄煲出黎真係唔同啲，豬扒好鬆香，又夠大份，配埋太陽蛋既蛋汁，好match🥰🥰