串點 (已結業)

長沙灣依間串燒店好有特色，門口擺左兩張露營椅已經非常eye catching，而且所有餐具都係露營常用嗰啲不鏽鋼碗筷，好有camping feel。店面唔算太大，有三張檯都係坐露營櫈幾舒服，檯面仲有盞露營燈做裝飾，串燒都係即叫即燒熱辣辣上檯，完全就係鬧市中嘅偽camping體驗🤣龍蝦沙律🥗沙律食到粒粒龍蝦肉，配搭埋青瓜紫菜，清爽開胃😙串燒：脆骨雞肉丸子&大蔥雞肉串&西班牙黑豚腩燒得好香，肉質juicy，醬汁惹味，雞肉丸子內加上雞軟骨口感豐富，黑豚腩油香十足👍🏻厚切餐肉煎蛋麻辣撈丁🍳餐肉厚切之於煎得好香，外脆內軟，面頭隻煎蛋嘅蛋汁用來撈丁真係好正，又麻又辣，刺激味蕾😛