陳小館 (已結業)

尖沙咀人氣最旺的地方，可嚐到多款美食。陳小館位置喺尖沙咀加連威老道及鄰近The One，主打中菜同點心，而且點心喺即叫即蒸，仲有特式中菜、鑊氣小炒、煲仔菜、燉湯、海鮮，每日5點前有點心供應，價錢吸引抵食。金箔蝦餃皇 $23蝦餃皮口感煙韌，包著爽口彈牙嘅大蝦，非常鮮美。白玉綿花雞 $32白玉綿花指魚肚，魚肚好大塊兼爽口，仲有雞塊同冬菇，足料又夠入味。山竹牛肉球 $28大大粒嘅牛肉，腐竹索晒牛肉汁，點埋醋食就好惹味。砂鍋銀魚肉餅飯 $48用砂鍋蒸飯特別有飯香，飯粒粒分明，銀魚香脆，肉餅軟腍。砂鍋溫泉蛋牛肉飯 $48用筷子夾起溫泉蛋就流出蛋黃，牛肉味道濃郁，食出幸福嘅感覺。