西香記 (已結業)

和友人到內地旅行吃過肉夾饃後，一直念念不忘，住西環嘅朋友話樓下開咗間西安菜有肉夾饃食，咁我哋就去一解相思之苦啦。餐廳採用先付費後拎餐嘅系統，而肉夾饃方面我哋叫咗豬肉餡料，另外仲叫咗牛肉麵、金牌擀面皮同埋口水雞。豬肉餡肉夾饃內嘅餡料用特別醬料搭配，味道十分特別，而包面的外皮雖略帶硬身，可是內層軟軟的，吃起來口感十足。不喜歡吃豬肉的朋友也可選牛肉作餡。再來就係牛肉麵，我偏愛葱花，而餐廳嘅牛肉麵放了不少葱花，正中我下懷，淋上一行辣椒醬，光看賣相已經不錯。金牌擀面皮對我們說是很新奇的，因為我們從未吃過，金牌擀面皮包括筋道、青瓜和長長的麵皮，配上一包獨立包裝的辣油，可根據個人口味適量加入。最後就是口水雞，一塊塊無骨雞肉淋上紅油，就是這麼簡單，一啖一塊。