杞醉

今日去咗荔枝角嘅杞醉買外賣，之前喺地舖嗰陣已經幫襯過佢哋嘅米線，今次就揀咗佢哋嘅2人沉醉雞煲套餐拎返屋企打邊爐煮。

份量非常足料，兩個人食到好飽！前菜有醉蝦同杞醉花甲，清新開胃；主菜包括杞醉濃湯雞煲，配有杞醉酒雞、濃湯同純酒，每樣都有盒裝妥善包好，拎到返屋企唔驚漏出嚟。至於湯底濃郁暖胃，食完仲想飲多幾啖！手打魚滑蝦滑同蔬菜盤新鮮。米線彈牙又索湯，安格斯雪花肥牛嫩滑，手工韭菜豚餃子多肉多汁，仲有杞辣醬油同爆炸蔥醬油提味，選擇豐富。最後芝麻湯圓甜美收尾。佢哋嘅雞煲套餐烹調簡單易煮，適合喺屋企慢慢享用，喺荔枝角自取方便又抵食！