影片
更多
2023-03-18
38 浏览
土瓜灣雖然係一個舊區，但都吸引唔少小店進駐。偶爾係回家途中發現左一間賣漢堡既小店，店面小、款式唔多，但出品係真的好！店舖由外國人主理，標榜係用靚牛肉，所有肉都係自家製，材料都係新鮮所以無添只係好簡單咁加鹽同胡椒調味，連醬汁都係特製，聽見都吸引。.落左order 後都要等成20分鐘，因為始終係小店，人手唔多，加上每樣食物都係即製，可接受但有進步空間，建議wtsapp 落左單先或者去附近行下先。..🔹單層雞堡🔹超級超級大份，好重手，我只係叫單層架咋。包係乾身鬆軟，夾左酸青瓜、洋蔥絲、蕃茄片、芝士、生菜，仲有主角-雞。菜係好新鮮，雞肉裹上麵包糠再去煎，比起平時用炸既感覺冇咁熱氣，但一樣超香脆，入面仲有肉汁，非常驚喜。🔹7吋肉醬熱狗🔹滿滿既肉醬已經遮住左條熱狗。肉醬食到香草調味，鹹度適中，如果用黎撈意粉真係一流。熱狗好脆身，而且勁大條，好滿意。.呢到除左有漢堡同熱狗，仲有手拉pizza同炸既小食，但真係好飽唯有下次再試。.呢到價錢係土瓜灣黎講算中上，但同樣質素出面餐廳一定貴起碼一倍，所以性價比仍算高的。
土瓜灣雖然係一個舊區，但都吸引唔少小店進駐。偶爾係回家途中發現左一間賣漢堡既小店，店面小、款式唔多，但出品係真的好！
店舖由外國人主理，標榜係用靚牛肉，所有肉都係自家製，材料都係新鮮所以無添只係好簡單咁加鹽同胡椒調味，連醬汁都係特製，聽見都吸引。
.
落左order 後都要等成20分鐘，因為始終係小店，人手唔多，加上每樣食物都係即製，可接受但有進步空間，建議wtsapp 落左單先或者去附近行下先。
.
.
🔹單層雞堡🔹
超級超級大份，好重手，我只係叫單層架咋。包係乾身鬆軟，夾左酸青瓜、洋蔥絲、蕃茄片、芝士、生菜，仲有主角-雞。菜係好新鮮，雞肉裹上麵包糠再去煎，比起平時用炸既感覺冇咁熱氣，但一樣超香脆，入面仲有肉汁，非常驚喜。
🔹7吋肉醬熱狗🔹
滿滿既肉醬已經遮住左條熱狗。肉醬食到香草調味，鹹度適中，如果用黎撈意粉真係一流。熱狗好脆身，而且勁大條，好滿意。
.
呢到除左有漢堡同熱狗，仲有手拉pizza同炸既小食，但真係好飽唯有下次再試。
.
呢到價錢係土瓜灣黎講算中上，但同樣質素出面餐廳一定貴起碼一倍，所以性價比仍算高的。
张贴
