沙田友冰室 (已搬遷) 新店位置

有事要去石門一趟，其實我都係第一次嚟石門，真係唔知有咩好食，所以都係周圍行下，因為都唔太肚餓，所以見到有間冰室賣港式野，就買咗個蛋撻試下。其實佢都唔算平，原味酥皮要8蚊一個，我望個樣又唔覺有咩特別，所以見到佢賣班蘭味，我就諗住試下其他味，反正都係貴2蚊。其實蛋撻愈熱愈好食，佢拎比我嗰時都幾熱，班蘭味幾重，好香，d酥皮唔覺好油膩，又真係幾好食，睇個樣普普通通咁，其實相當唔錯，如果下次再去，試下佢其他野先。