貴緣小鍋米線 (崇潔街) (已結業)

要數紅磡有咩好食既米線，唔計連鎖經營既，淨係諗到貴緣。貴緣隱藏係屋苑既樓下，唔係住附近真係唔會留意到。佢裝潢冇乜特別，勝在企理乾淨，冇一般麵店周圍都油淋淋既感覺。加上有得手機落單，的確幾方便。貴緣既Menu 同其他米線店大同小異，有清湯、麻辣湯、蕃茄湯同豬骨湯，近排仲新出左青花椒麻濃湯。除左麵仲有d啲特別既小食，例如有雞絲山、豬肚絲、涼皮條等等。.🔹貴緣雞絲火山🔹雞絲果然夠份量，成座山仔咁。雞絲本身冇乜味道，所以佢既醬汁係好緊要！蒜泥辣汁好惹味，蘸少少好開胃。🔹蒜泥白肉肉🔹豬肉片得好薄，好爽口，配埋蒜泥辣醬，perfect!🔹特濃蕃茄湯米線配響鈴 魚腐 魚皮餃🔹米線好唔好食湯頭好緊要，佢講湯底特濃，果然冇呃人，湯係酸酸甜甜既，配料份量足而且味道都唔錯。🔹酸辣紅薯粉配豆卜 滷水雞翼 肥牛🔹湯底係濃既，鹹度岩岩好，略嫌唔夠酸。薯粉係幼波濃既，爽口彈牙。另一樣抵讚係豆卜係好索湯果款，超正；雞翼亦滷得好入味。