絆 (已結業)

🤎絆 (尖沙咀)🧸尖沙咀漆咸道南53-55號嘉芙中心4樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️原來嘉芙有野食😋痴線，呢度超舒服，首先講吓座位方面係對住陽台嘅位置，有陽光照入嚟🌞每一張枱位置都有啲距離空間感十足。仲有啲燈好舒服，係居酒屋嘅和式格局🙊如果一班人嚟我會揀咗日式榻榻米❗️仲可以包場唱K 㗎💯今次我就揀咗一張梳化位，四人坐其實都好寬敞，張枱夠晒大。今日我哋就叫咗兩個午市套餐，我覺得勁抵食因為午市套餐已經包左飯/烏冬同埋湯🥳仲要係$100内有找😍-串燒拼盤丼🍢 $78串燒分別有雞翼、五花肉、玉子、豆腐、仲有個腸仔。即叫即燒性價比都幾高，雞翼同五花肉醃製得幾好味，唔會太鹹。食起上嚟肉質較軟，仲好juicy五花肉咬開肉汁滿滿，肉味濃郁🥳，配埋白飯，夠哂飽。如果俾多少少燒汁撈飯更加正。除此之外仲有啲小食分別係薯蓉、少量炒菜、同埋兩隻煎餃。最好味係個薯蓉👍🏻有少少蟹子，中間仲有啲甘筍配埋，口感多重😍-壽司盛盒🍣 $98一上枱嘅時候嚇死我啦，冇諗過咁大盤。有七款唔同嘅壽司，三文魚、鰻魚、深海池魚我最中意。三文魚唔會太厚切，我比較鍾意呢種感覺因為唔會覺得太膩😌鰻魚一如既往都係我嘅最愛😚